விஜய் மீது எனக்கு பொறாமையா..? ஒருவேளை அது நடந்திருந்தால்.. அதிரடியாக விளக்கம் கொடுத்த ரஜினி..!!

நடிகர் விஜய் அரசியல் கட்சி தொடங்கி முதலமைச்சராகப் பொறுப்பேற்றுள்ள நிலையில், அவர் மீது தனக்குப் பொறாமை இருப்பதாக எழுந்துள்ள விமர்சனங்களுக்கு நடிகர் ரஜினிகாந்த் சென்னை விமான நிலையத்தில் அதிரடி விளக்கம் அளித்துள்ளார். தான் ஏற்கனவே அரசியலுக்கு வரப்போவதில்லை என விலகிவிட்டதைச் சுட்டிக்காட்டிய அவர், “நான் அரசியலிலேயே இல்லாதபோது விஜய் மீது எனக்கு ஏன் பொறாமை வரப்போகிறது? ஒருவேளை என் நண்பர் கமல்ஹாசன் முதலமைச்சராகியிருந்தால் எனக்குப் பொறாமை வந்திருக்கலாம்” என்று நகைச்சுவையாகக் குறிப்பிட்டுள்ளார்.

மேலும், தனக்கும் விஜய்க்கும் இடையே 25 ஆண்டுகளுக்கும் மேலான வயது வித்தியாசம் மற்றும் தலைமுறை இடைவெளி உள்ளதால், தன்னை விஜய்யுடனும், விஜய்யைத் தன்னுடனும் ஒப்பிட்டுப் பேசுவது இருவருக்குமே நல்லதல்ல என்று தெரிவித்துள்ளார். தமிழகத்தின் இரு பெரும் திராவிடக் கட்சிகளையும், மத்தியில் உள்ள சக்திவாய்ந்த பாஜகவையும் எதிர்த்து, சினிமா துறையிலிருந்து வந்த ஒரு நபர் தனி ஆளாக நின்று 52 வயதிலேயே இந்த வெற்றியைப் பெற்றுள்ளது தனக்குப் பொறாமையைத் தராமல் ஆச்சரியம் கலந்த சந்தோஷத்தையே அளிக்கிறது என்றும், மக்கள் மத்தியில் அவரிடம் நிறைய எதிர்பார்ப்புகள் இருப்பதால் அவர் மக்களுக்குச் சிறப்பான நன்மைகளைச் செய்வார் என்ற நம்பிக்கை தனக்கு உள்ளதாகவும் கூறி விஜய்க்கு மனமார்ந்த வாழ்த்துகளையும் ரஜினிகாந்த் பகிர்ந்துள்ளார்.