தமிழ்நாடே அதிர்ச்சி..! அடுத்த 6 மாதத்தில் மீண்டும் ஸ்டாலினே முதல்வர்… பகீர் கிளப்பிய அனிதா ராதாகிருஷ்ணன்..!!

திமுக தலைவர் மு.க.ஸ்டாலினின் கொளத்தூர் தொகுதி மற்றும் வாக்காளர்கள் குறித்து திருச்செந்தூர் தொகுதி திமுக சட்டமன்ற உறுப்பினர் அனிதா ராதாகிருஷ்ணன் பேசியுள்ள சர்ச்சை கருத்து அரசியல் வட்டாரத்தில் பெரும் பரபரப்பை ஏற்படுத்தியுள்ளது. அண்மையில் நடந்து முடிந்த தமிழ்நாடு சட்டமன்றத் தேர்தலில், மு.க.ஸ்டாலின் தனது கொளத்தூர் தொகுதியைச் சிங்கப்பூர் போல மாற்றியமைத்திருந்தும், அங்கு தோல்வியைச் சந்திக்க நேரிட்டதாகக் குறிப்பிட்ட அவர், “அந்த தொகுதி மக்கள் கேடுகெட்டவர்கள்” என மிகக் கடுமையான வார்த்தைகளால் விமர்சித்துப் பேசியுள்ளார்.

பொதுமேடையில் வாக்காளர்களை இவ்வாறு தரக்குறைவாக விமர்சித்தது பொதுமக்கள் மற்றும் மாற்று அரசியல் கட்சியினரிடையே கடும் அதிர்ச்சியையும், கண்டனங்களையும் எழுப்பியுள்ளது. மேலும், இன்னும் நான்கு முதல் ஆறு மாத காலத்திற்குள் மு.க.ஸ்டாலின் மீண்டும் அடுத்த முதலமைச்சராகப் பொறுப்பேற்பார் என்றும் அனிதா ராதாகிருஷ்ணன் தனது பேச்சில் திடமாகத் தெரிவித்துள்ளார். ஜனநாயக அமைப்பில் வாக்களித்த மக்களை இத்தகைய வார்த்தைகளால் பொதுவெளியில் சாடியுள்ளது தற்போதைய தமிழக அரசியல் களத்தில் மிக முக்கிய விவாதப் பொருளாக மாறியுள்ளது.

திமுக எம்பிக்கள் மற்றும் முக்கிய தலைவர்கள் பலர் இந்த பேச்சுக்கு எதிர்ப்பு தெரிவித்து வரும் நிலையில், எதிர்க்கட்சிகள் இந்த விவகாரத்தை கையில் எடுத்துள்ளன. மக்கள் தீர்ப்பை அவமதிக்கும் விதமாக பேசிய அனிதா ராதாகிருஷ்ணன் மீது திமுக தலைமை ஒழுங்கு நடவடிக்கை எடுக்க வேண்டும் என்ற கோரிக்கையும் வலுத்து வருகிறது. இந்த சர்ச்சை பேச்சு சமூக வலைத்தளங்களிலும் வைரலாகி, அரசியல் வட்டாரத்தில் பெரும் விவாதங்களை கிளப்பியுள்ளது.