சீச்சீ… நீயெல்லாம் என்ன ஜென்மம்?… என் வீட்டிற்கு வா… ஊழியருக்கு பாலியல் தொல்லை கொடுத்த ரயில்வே அதிகாரி… மிதித்து வெளுத்த எம்.என்.எஸ் தொண்டர்கள்… இணையத்தில் வைரலாகும் வீடியோ…!

கல்யாண் ரயில் நிலையத்தில் பணியாற்றி வந்த பெண் பாயிண்ட்ஸ்மேன் ஒருவரை, துணை நிலைய அதிகாரி அசுதோஷ் குமார் என்பவர் கடந்த ஆறு மாதங்களாக பாலியல் ரீதியாக துன்புறுத்தி வந்ததாகப் புகார்கள் எழுந்துள்ளன. அந்த அதிகாரி தன்னிடம் தகாத முறையில் பேசினார் என்றும், தனது வீட்டிற்கு வருமாறு அழைத்தார் என்றும் குற்றம் சாட்டிய அப்பெண், இதுகுறித்து மகாராஷ்டிரா நவ்நிர்மாண் சேனா கட்சியின் ரயில்வே தொழிலாளர் சங்க நிர்வாகிகளிடம் முறையிட்டார்.

இந்தப் புகாரைத் தொடர்ந்து, எம்.என்.எஸ் ரயில்வே தொழிலாளர் சங்கத்தின் நிர்வாகிகளும் உறுப்பினர்களும் கல்யாண் ரயில் நிலையத்திற்குச் சென்று துணை நிலைய அதிகாரி அசுதோஷ் குமாரை நேரடியாகச் சந்தித்துக் காரசாரமாகக் கேள்வி எழுப்பினர். அப்போது ஏற்பட்ட காரசார விவாதம் திடீரென வன்முறையாக மாறியதில், அக்கோபமடைந்த தொண்டர்கள் துணை நிலைய அதிகாரியைத் தாக்கியதாகக் கூறப்படுகிறது.

https://twitter.com/nextminutenews7/status/2107042243291103495/video/1

இச்சம்பவத்தால் கல்யாண் ரயில் நிலையப் பகுதியில் பெரும் பரபரப்பும் பதற்றமும் நிலவியது. தகவலறிந்து உடனடியாகச் சம்பவ இடத்திற்கு வந்த கல்யாண் அரசு ரயில்வே காவல் துறையினர் தலையிட்டுச் சூழலைக் கட்டுக்குள் கொண்டுவந்தனர். மேலும், தாக்குதலில் ஈடுபட்ட எம்.என்.எஸ் தொண்டர்கள் சிலரைக் காவல்துறையினர் உடனடியாகக் கைது செய்து கஸ்டடியில் எடுத்தனர்.