இந்த மனசு தான்பா கடவுள்… 2 கால்களையும் இழந்த ஊனமுற்ற சிறுமிக்கு ராகவா லாரன்ஸ் செய்த பெரிய உதவி… கலங்க வைக்கும் செயல் … வைரல் வீடியோ…!

குரூப் டான்ஸராக இருந்து பிறகு நடன இயக்குனராக தனக்கென்று ஒரு தனி அடையாளத்தை பிடித்தவர் தான் நடிகர் ராகவா லாரன்ஸ். அதன் பிறகு இவர் படிப்படியாக நடிப்பு மற்றும் இயக்கம் என பல திறமைகளை வெளிப்படுத்தி வருகின்றார். சினிமாவை தவிர்த்து மாற்றுத்திறனாளிகளுக்கு என தனியாக நடனம் கற்பிப்பது, அவர்களின் நலனுக்காக பல நலத்திட்டங்களை தன்னார்வல நிறுவனங்களுடன் இணைந்து செய்து வருகின்றார். தொடர்ந்து பல உதவிகளை செய்து வரும் ராகவா லாரன்ஸ் சேவையே கடவுள் என்ற அறக்கட்டளை ஒன்றையும் நடத்தி வருகிறார். அந்த அறக்கட்டளையில் லாரன்ஸ் உடன் நடிகர் எஸ் ஜே சூர்யா, நடிகர் பாலா மற்றும் அறந்தாங்கி நிஷா உள்ளிட்டவர்களும் செயல்பட்டு வருகிறார்கள்.

சேவையே கடவுள் அறக்கட்டளை சார்பாக மாற்றம் என்ற செயல்திட்டம் ஒன்றை லாரன்ஸ் தொடங்கியுள்ளார். இந்த திட்டத்தின் மூலமாக பொதுமக்களுக்கு தேவையான பல்வேறு சேவைகளை தன்னார்வலர்களின் உதவியோடு செய்து வருகின்றார். விவசாயிகளுக்கு டிராக்டர், பெண்களுக்கு தையல் மிஷின் என தொடர்ச்சியாக உதவிகளை செய்து வருகின்றார். அதன்படி தற்போது கால்கள் செயலிழப்பால் ஊனமுற்ற ஸ்வேதா என்ற சிறுமிக்கு முன்னதாக நடமாடுவதற்காக ஒரு ஸ்கூட்டியை பரிசளித்திருந்தார்.

இப்போது அவளுக்காக ஒரு வீடு கட்டுவது அவளுடைய வாழ்க்கையை உண்மையில் மாற்றும் என்று நினைத்ததால் அவருக்காக ராகவா லாரன்ஸ் வீடு கட்ட முன்வந்துள்ளார். மேலும் அவள் ஒரு தங்க இதயம் கொண்ட பெண், அவளை ஆதரிக்க என் சொந்த இதயம் துடிக்கிறது எனவும் ராகவா லாரன்ஸ் உருக்கமாக பதிவிட்டுள்ளார். இவரின் இந்த உதவிக்கு பலரும் தங்கள் பாராட்டுக்களை தெரிவித்த வண்ணம் உள்ளனர்.