மதிய சாப்பாட்டுக்கு வந்த காதலன்…. கண் இமைக்கும் நேரத்தில் அரங்கேறிய கொடூரம்…. தூக்கியடித்த மனைவி…. 12 மணி நேரத்தில் திடுக்கிடும் சம்பவம்….!

உத்தரப் பிரதேச மாநிலம் காசியாபாத் பகுதியில் உள்ள கோடா காலனியில் வசித்து வந்த தையல் தொழிலாளி அஞ்சுல், தனது மனைவி நிஷாவின் கள்ளக்காதலால் படுகொலை செய்யப்பட்டுள்ளார். அஞ்சுலும் நிஷாவும் ஒரே கம்பெனியில் வேலை பார்த்து வந்த நிலையில், நிஷாவுக்கும் அவரது உறவினரான பப்பு என்பவருக்கும் இடையே கடந்த இரண்டு ஆண்டுகளாகப் பழக்கம் ஏற்பட்டுள்ளது. இவர்களின் உறவை அஞ்சுல் பலமுறை கண்டித்தும், குடும்பத்தினர் மற்றும் காவல்துறையினர் அறிவுறுத்தியும் அவர்கள் காதில் வாங்கவில்லை. மாறாக, தங்கள் காதலுக்குத் தடையாக இருப்பதாகக் கருதி அஞ்சுலைத் தீர்த்துக்கட்ட அவர்கள் கொடூரமான திட்டம் தீட்டியுள்ளனர்.

கொலைக்காக சொந்த ஊரிலிருந்து நாட்டுத் துப்பாக்கி மற்றும் தோட்டாக்களையும் வாங்கி வந்து வீட்டில் பதுக்கியுள்ளனர். சம்பவத்தன்று கணவன் வீட்டில் தனியாக இருப்பதை அறிந்து கொண்ட நிஷா, மதிய உணவுக்குச் செல்வது போல் திட்டமிட்டுள்ளார். அதன்படி, வேலை முடிந்து மதியம் 1 மணியளவில் வீட்டிற்கு வந்த பப்பு, சாப்பிட்டு முடித்ததும் மறைத்து வைத்திருந்த துப்பாக்கியால் அஞ்சுலைச் சுட்டுக் கொன்றுவிட்டு நிஷாவுக்குத் தொலைபேசி வாயிலாகத் தகவல் தெரிவித்துள்ளார். கொலை நடந்தபோது நிஷா பப்புவுடன் தொடர்ச்சியாகத் தொலைபேசியில் பேசி நிலவரத்தைக் கேட்டறிந்துள்ளது விசாரணையில் தெரியவந்துள்ளது.

இந்தச் சம்பவம் குறித்து அஞ்சுலின் சகோதரி அளித்த புகாரின் அடிப்படையில், களாச்சாரம் மற்றும் ஆயுதச் சட்டத்தின் கீழ் வழக்குப் பதிவு செய்த காசியாபாத் காவல்துறையினர், துரிதமாகச் செயல்பட்டு வெறும் 12 மணி நேரத்திற்குள் நிஷா மற்றும் பப்பு ஆகிய இருவரையும் கைது செய்தனர். மேலும், கொலைக்குப் பயன்படுத்தப்பட்ட சட்டவிரோத நாட்டுத் துப்பாக்கியும் காவலர்களால் பறிமுதல் செய்யப்பட்டது. ஏற்கனவே திருமணமாகி மனைவியை இழந்த பப்புவும், கணவனை இழந்த நிஷாவும் இணைந்து செய்த இந்தத் துயரச் சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.