விண்வெளி சாதனையாளர்களுக்கு பாராட்டு … இவங்கதான் நிஜமான இளைஞர்கள்… ‘அவர் இல்ல…’ பேரையே சொல்லாம நரேந்திர மோடி செஞ்ச சம்பவம்…மேடையில் மறைமுகமாக கிண்டலடித்த பிரதமர்…!

நாடாளுமன்ற மழைக்கால கூட்டத்தொடர் தொடங்குவதற்கு முன்பாக செய்தியாளர்களைச் சந்தித்த பிரதமர் நரேந்திர மோடி, நாட்டின் வளர்ச்சி குறித்துப் பேசும்போது காங்கிரஸ் தலைவர் ராகுல் காந்தியை மறைமுகமாகத் தாக்கிப் பேசினார். ஹைதராபாத்தைச் சேர்ந்த ‘ஸ்கைரூட் ஏரோஸ்பேஸ்’ என்ற விண்வெளி ஸ்டார்ட்அப் நிறுவனத்தின் இளம் குழுவினர் படைத்துள்ள வரலாற்றுச் சாதனையைப் பாராட்டிய பிரதமர், அங்குள்ள ஊழியர்களின் சராசரி வயது வெறும் 28 மட்டுமே என்பதைச் சுட்டிக்காட்டினார். தொடர்ந்து பேசிய அவர், “சில 56 வயது இளைஞர்களைப் போல போலியாக இல்லாமல், உண்மையான இளைஞர்கள் இணைந்து இந்த மகத்தான சாதனையைப் படைத்துள்ளனர்” என்று ராகுல் காந்தியின் பெயரைப் குறிப்பிடாமல் நயம்படக் கிண்டல் செய்தார்.

கடந்த சில மாதங்களில் அறிவியல், விண்வெளி மற்றும் புத்தாக்கத் துறைகளில் இந்தியா எட்டியுள்ள அசுர வளர்ச்சியைப் பெருமிதத்துடன் குறிப்பிட்ட பிரதமர், நாட்டின் வளர்ந்து வரும் உலகளாவிய செல்வாக்கிற்கு இந்த வரம்பற்ற இளைஞர் சக்தியே மூலக்காரணம் என்றார். குறிப்பாக, தனியார் விண்வெளித் துறையில் இந்திய இளைய தலைமுறையினர் ஒரு புதிய சகாப்தத்தைப் படைத்து வருவதாக அவர் புகழாரம் சூட்டினார். மேலும், இந்த நாடாளுமன்ற மழைக்கால கூட்டத்தொடரானது எவ்வித தடங்கலுமின்றி, நாட்டின் நலனைக் கருத்தில் கொண்டு மிகவும் ஆக்கப்பூர்வமாகவும் பயனுள்ள வகையிலும் அமையும் என்ற நம்பிக்கையையும் அவர் தனது உரையில் வெளிப்படுத்தினார்.