பட்ஜெட் 3 கோடி கலெக்ஷன் 85 கோடி.. மஞ்சுமல் பாய்ஸை ஓரம் போக சொல்லி சம்பவம் பண்ணிய மலையாள படம்..

பிப்ரவரி ஒன்பதாம் தேதி காதலர் தினத்தை ஒட்டி வெளியாகி மாபெரும் சாதனைகளை படைத்து வருகிறது பிரேமலு படம். கிரீஸ் ஏ.டி இயக்கத்தில் நெல்சன் கே. கோபர், மமீதா பைஜூ, சங்கீத், பிரதாப், ஷ்யாம் மோகன் எம், மீனாட்சி ரவீந்திரன், அகிலா பார்கவன், அல்தாஃப் சலீம், மேத்யூ தாமஸ் பல பிரபலங்கள் நடித்துள்ளனர்.

விஷ்ணு விஜய் இசையில் பகத் பாசில் தயாரிப்பில் உருவாகியுள்ளது இந்த படம். காதல் ட்ராமா கலந்த கலவையில் வெளியாகி இந்தியா முழுவதும் பயங்கர வரவேற்பு பெற்றுள்ளது. முக்கியமாக தெலுங்கில் நல்ல வரவேற்பு கிடைத்துள்ளது. பாக்ஸ் ஆபிஸ் கலெக்ஷனை அள்ளி குவித்துக் கொண்டிருக்கிறது.

இப்படம் பிப்ரவரி 9ஆம் தேதி வெளியான நிலையில் முதல் நாளில் 90 லட்சம் என்று மிதமான பாக்ஸ் ஆபிஸ் கலெக்ஷனை பெற்று, பிப்ரவரி 26 ஆம் தேதி ஒட்டுமொத்தமாக 43.7 கோடி அளவில் வசூலை பெற்றுள்ளது. இந்தியாவில் 50.40 கோடி வசூலை பெற்று மாபெரும் சாதனையை படித்துள்ளது. தற்போதைய தேதியில் 85 கோடிக்கு மேல் வசலை அள்ளி உள்ளது.

இந்தியாவை தாண்டி உலக அளவில் 35.4 கோடி வசூலை பெற்று இதுவரையில் இல்லாத சாதனையை பெற்றுள்ளது இப்படம். கிட்டத்தட்ட 90 கோடி வரை தொட்ட இப்படம் இன்னும் சில தினங்களில் 100 கோடியை தொடும் என்று எதிர்பார்க்கப்படுகிறது. மஞ்சமெல் பாய்ஸ் படத்தை தொடர்ந்து இப்படமும் 100 கோடி கிளப்பில் இணையும் என்று பலரும் எதிர்பார்த்து வருகிறார்கள்.