பூர்ணிமா அம்மா கிட்ட நான்.. கூலிக்கு மாறடிக்கிற கும்பல் எல்லாம்.. டென்ஷன் ஆன பிரதீப் வெளியிட்ட பதிவு..

விஜய் டிவியில் ஒளிப்பரப்பாகும் பிக்பாஸ் நிகழ்ச்சியின் 7-வது சீசனானது விறுவிறுப்பான கட்டத்தை எட்டியுள்ளது. இன்னும் சில தினங்களில் இந்நிகழ்ச்சி முடிவடையவுள்ள நிலையில், இந்த சீசனில் உள்ளவர்கள் மிகவும் பிரபலமாகி உள்ளனர். இந்த சீசனில் முதலில் பிரபலமானது என்றால் அது பிரதீப் ஆண்டனி தான். பிக்பாஸ் 5-வது சீசனில் பங்கேற்ற கவிணை, பிக் பாஸ் இல்லத்தில் சென்று கண்ணத்தில் அறைந்ததன் மூலம் மிகவும் பிரபலமான நிலையில், 7-வது சீசனில் பங்கேற்றார். ஆரம்பத்தில் இருந்தே அவருக்கு வெளியில் ரசிகர்கள் பட்டாளம் அதிகரித்தது.

இடையே பெண் போட்டியாளர்களிடம் தவறாக நடந்து கொண்டதாக சக போட்டியாளர்கள் கருத்து தெரிவித்ததால், கமல் அவருக்கு ரெட் கார்டு கொடுக்கப்பட்டு வெளியேற்றப்பட்டார். இது மக்கள் மத்தியில் கடும் அதிருப்தியை ஏற்படுத்தியது. காரணம், இந்த விவகாரத்தில் மற்றவர்களின் கருத்தை கேட்ட கமல், பிரதீப் பேசுவதற்கு வாய்ப்பு அளிக்க வில்லை என பலரும் கமலுக்கு எதிராக கருத்து தெரிவிக்க ஆரம்பித்து விட்டனர். கமல் பிறந்தநாள் அன்று கமலுக்கு அவருக்கு வாழ்த்து சொன்ன பிரதீப், தீரவிசாரிப்பதே மெய் என்ற ஹேஷ்டேக்கை பதிவிட்டார்.

பிரதீப்பிற்கு ரெட் கார்டு கொடுப்பதற்கு முக்கியமாக பூர்ணிமா மற்றும் மயா தான் எனக் கூறி ரசிகர்கள் அவர்கள் மீது தங்களது வெறுப்பை உமிழத் தொடங்கினர். இந்த நிலையில் பூர்ணிமா 16 லட்சம் ரூபாயுடன் பிக்பாஸ் வீட்டில் இருந்து வெளியேறியுள்ளார். எப்படியும் தான் டைட்டில் வெல்ல மாட்டோம் எனத் தெரிந்து அவர் பணத்துடன் வெளியேறி விட்டதாக சமூக வலைதளத்தில் மக்கள் பகிர்ந்து வருகின்றனர்.

இந்த நிலையில் இதனிடையே பூர்ணிமா வெளியேறிய நிலையில் பிரதீப் ரசிகர்கள் ரெட் கார்டு கொடுத்த அவருக்கு இது தேவை தான் என பிரதீப்பின் ரசிகர்கள் சமூக வலைதளத்தில் பதிவிட்டு வரும் நிலையில், இதை பார்க்க பூர்ணிமா ரசிகர்கள், கேரக்டர் அசாசினேஷன் கேம் பிரதீப் விளையாடியதாக மறுபக்கம் சாடி வந்தனர். இதனால் கடுப்பான பிரதீப் ஆண்டனி தனது சமூக வலைதளத்தில், “ பூர்ணிமா அம்மா கிட்ட வாக்கு கொடுத்த ஒரே காரணத்துக்காக அமைதியா இருக்கேன். கூலிக்கு மாறு அடிக்குற கும்பல் லாம் இஷ்டத்துக்கு பேசி வாய் கெளறாதீங்க. நான் கேரக்டர் அசாசினேஷன் கேம்களை விளையாடுவதில்லை, அது என்னுடைய பாணி கிடையாது “ என பதிவிட்டுள்ளார்.