“உன் சாவு என் கையில தான், வெட்டாம விடமாட்டேன்”… பெண் காவல் அதிகாரியை மிரட்டிய காவலர்.. வெளிவந்த பரபரப்பு ஆடியோ…!

தூத்துக்குடி மாவட்டம் கோவில்பட்டி போக்குவரத்து காவல் பிரிவில் செல்வகுமார் (36) என்பவர் உதவி ஆய்வாளராக வேலை பார்த்து வருகின்றார். அதே பிரிவில் 32 வயதான இந்திரா காந்தி என்பவரும் காவலராக வேலை பார்த்து வருகிறார். இருவரும் ஒரே இடத்தில் வேலை பார்த்து வந்ததால் இருவருக்கும் நட்பு ஏற்பட்டு பழகி வந்தனர். இந்நிலையில் இருவருக்கும் இடையே கருத்து வேறுபாடு காரணமாக பிரச்சனை வந்துள்ளது. இதனால் கடந்த 17ஆம் தேதி நடு ரோட்டில் வைத்து செல்வகுமார் மற்றும் இந்திரா காந்தி சண்டையிட்டுள்ளனர்.

இந்த பிரச்சனை வெளியே தெரிந்ததால் போக்குவரத்து உதவி ஆய்வாளர் செல்வகுமார் திருச்செந்தூருக்கும் இந்திராகாந்தி புளியம்பட்டி காவல் நிலையத்திற்கும் மேலதிகாரிகளின் உத்தரவின் பேரில் இடமாற்றம் செய்யப்பட்டனர். இதனிடையே இந்திரா காந்தியை மொபைலில் தொடர்பு கொண்ட செல்வகுமார், நேற்று உன் கதையை முடித்து இருக்கணும், தப்பிச்சிட்ட, இன்னொரு முறையும் இதே மாதிரி நடக்கும்னு எதிர்பார்க்காத, பின்னாடி ஒருத்தன் வந்து வெட்டுவான், நான் உன் தலையில் வெட்டுவேன்.

உன் புருஷன் கிட்ட சொல்லி உன் மகனை பத்திரமாக பார்த்துக்க சொல்லு. எப்ப நான் எப்படி இருப்பேன் என தெரியாது. உன் சாவு எப்போவாக இருந்தாலும் அது என் கையில்தான் என்று கூறி கொலை மிரட்டல் விடுத்துள்ளார். இது தொடர்பாக இந்திரா காந்தி போலீஸ் இல் புகார் அளித்த நிலையில் போலீசார் வழக்கு பதிவு செய்து செல்வகுமாரை சஸ்பெண்ட் செய்துள்ளனர். போக்குவரத்து காவலர் பெண் காவலரிடம் பேசிய போன் கால் ரெக்கார்ட் வெளியாகி தற்போது பெரும் அதிர்ச்சியையும் பரபரப்பையும் ஏற்படுத்தியுள்ளது