காதைப் பிடிச்சு மன்னிப்பு கேள்?… சிறுவர்களை நடுரோட்டில் ஊர்வலமாக… அழைத்துச் சென்று வீடியோ வெளியிட்ட காவல்துறை… இணையத்தில் கொந்தளிக்கும் நெட்டிசென்கள்…!

உத்தரப் பிரதேச மாநிலம் லக்னோவில், பொது இடத்தில் நின்று கொண்டு அவ்வழியாகச் சென்ற பெண்களிடம் தவறான சைகைகளைச் செய்ததாகக் கூறி 6 சிறுவர்களைக் காவல்துறையினர் பிடித்துள்ளனர். அவர்களில் 3 பேர் 18 வயதுக்கு உட்பட்ட சிறுவர்கள் என்பது குறிப்பிடத்தக்கது. கைது செய்யப்பட்ட சிறுவர்களை அவர்கள் வசிக்கும் பகுதி முழுவதுமாக, காதுகளைப் பிடித்துக்கொண்டு தோப்புக் கரணம் போட வைத்து, பகிரங்கமாக மன்னிப்பு கேட்க வைத்தபடி காவல்துறையினர் ஊர்வலமாக அழைத்துச் சென்றுள்ளனர்.

இந்தச் சம்பவத்தின் போது, காவல்துறையினரே அச்சிறுவர்களை வீடியோ எடுத்து சமூக வலைதளங்களில் பகிர்ந்ததாகக் குற்றச்சாட்டு எழுந்துள்ளது. பெண்கள் மற்றும் சிறுமிகளின் பாதுகாப்பிற்காக நடவடிக்கை எடுக்கப்பட்டதாகக் காவல்துறை தரப்பில் கூறப்பட்டாலும், தண்டனை அளிக்கப்பட்ட விதம் மற்றும் வீடியோ வெளியீடு ஆகியவை பொதுமக்களிடையே பெரும் விவாதத்தையும் எதிர்ப்பையும் ஏற்படுத்தியுள்ளது.

https://twitter.com/Sachingupta/status/2107075160591544726/video/1

சட்ட விதிகளின்படி, குற்றம் சாட்டப்பட்ட சிறுவர்களின் அடையாளங்களை எந்தக் காரணத்தைக் கொண்டும் பொதுவெளியிலோ அல்லது ஊடகங்களிலோ வெளிப்படுத்தக் கூடாது என்று நீதிமன்றங்கள் தெளிவான உத்தரவுகளைப் பிறப்பித்துள்ளன. அவ்வாறு இருக்கையில், நீதிமன்ற வழிகாட்டுதல்களை முற்றிலும் புறக்கணித்துச் சிறுவர்களின் முகங்களை வெளிப்படுத்திய லக்னோ காவல்துறையின் இச்செயல் சட்டத்திற்குப் புறம்பானது என்றும், இது சிறுவர்களின் எதிர்காலத்தைப் பாதிக்கும் என்றும் சமூக ஆர்வலர்கள் சுட்டிக்காட்டி வருகின்றனர்.