என் அப்பா யார் தெரியுமா…? “போலீஸ்” ஸ்டிக்கர் ஒட்டப்பட்ட வாகனத்தில் வந்து ரகளை…. கூலாக டீல் செய்த கடலூர் எஸ்பி…!!

கடலூர் மாவட்டம் லால்பேட்டை சோதனை சாவடியில் எஸ்பி ஜெயக்குமார் தலைமையில் போலீசார் தீவிர வாகன சோதனை ஈடுபட்டுக் கொண்டிருந்தபோது போலீஸ் இன்ட்ரஸ்டிக்கர் ஒட்டப்பட்ட ஒரு கார் புதுச்சேரியில் இருந்து கடலூரை நோக்கி வேகமாக வந்தது. அந்த காரை நிறுத்தி சோதனை செய்த போது காரில் வந்தவர்கள் மது போதையில் இருந்தது தெரியவந்தது. எஸ்பி ஜெயக்குமார் அவர்களிடம் காரில் ஏன் போலீஸ் என்று ஒட்டி வைத்திருக்கிறாய் என டிரைவரிடம் கேட்டுள்ளார்.

அதற்கு அவர் என் மனைவி போலீசாக உள்ளார் என பதில் அளித்தவுடன் “உன் மனைவி போலீஸ் ஆக இருந்தால் நீ எப்படி காரில் போலீஸ் என்று ஒட்ட முடியும்? இது கவர்மெண்ட் வண்டியா இது? என சரமாரியாக கேள்வி எழுப்பி அந்த ஸ்டிக்கரை அகற்றுவதற்கு உத்தரவு பிறப்பித்தார். இந்த நிலையில் பேசிக் கொண்டிருந்தபோதே ஒரு நபர் ஏய் யார் தெரியுமா? என் அப்பா கலெக்டர் பி.ஏ என்று போலீசாருடன் வாக்குவாதத்தில் ஈடுபட்டார்.

இதனால் கோபமடைந்த எஸ்.பி அந்த நபரை கைது செய்து காவல் நிலையத்திற்கு அழைத்துச் செல்ல உத்தரவிட்டார். போதைத் தெளிந்து அந்த நபர் “போதையில் தவறாக பேசி விட்டேன். என்னை மன்னித்து விடுங்கள்” என அழுது புலம்பியதாக தெரிகிறது. இந்த சம்பவம் குறித்து எஸ்பி கூறியதாவது, பண்டிகை காலங்களில் கொண்டாட்டங்கள் இருப்பது தவறு கிடையாது. ஆனால் அது மற்றவர்களை பாதிக்க கூடாது. இவர்களது கொண்டாட்டத்தால் மக்கள் பாதிக்கப்படுவதை ஒருபோதும் அனுமதிக்க முடியாது எனக் கூறியுள்ளார்.