“அதிமுக – பாஜக கூட்டணியை முறிக்கும் பாமக?”… அன்புமணியின் திடீர் முடிவால் பரபரக்கும் தமிழக அரசியல்…. யாரும் எதிர்பார்க்காத டிவிஸ்ட்….!

தமிழக அரசியல் களத்தில் தற்போதைய மிக முக்கிய ஹாட் டாபிக்காக மாறியிருப்பது, பாமக தலைவர் அன்புமணி ராமதாஸ் மற்றும் தமிழக வெற்றிக் கழகத்தின் தலைமைக்கு இடையே அதிகரித்து வரும் அரசியல் நெருக்கம் தான். 2026 சட்டமன்றத் தேர்தலுக்குப் பிறகு தமிழகத்தில் ஆட்சி மாற்றம் ஏற்பட்டு, திமுக கூட்டணியில் இருந்த பல கட்சிகளின் ஆதரவோடு விஜய் முதல்வராகப் பொறுப்பேற்றார். இந்தச் சூழலில், இதுவரை அதிமுக – பாஜக கூட்டணியில் நீடித்து வந்த பாமக, தற்போது தவெக அரசை நோக்கியும் அதன் முக்கிய நிர்வாகிகளை நோக்கியும் இணக்கமானப் பாதையைத் தேர்ந்தெடுத்திருப்பது அரசியல் வட்டாரங்களில் பெரும் விவாதங்களைக் கிளப்பியுள்ளது.

சமீபத்தில் தமிழக ஆளுநர் உரையில், “மத்திய அரசின் மக்கள்தொகை கணக்கெடுப்பு முடிந்த பின்னர் தமிழ்நாடு அரசு சமூகநீதி சர்வே நடத்தும்” என்ற அறிவிப்பு வெளியானதைத் தொடர்ந்து, முதல்வர் விஜய்க்கு அன்புமணி ராமதாஸ் மனதாரப் பாராட்டு தெரிவித்தார். இந்த வரலாற்றுச் சிறப்புமிக்க சமூகநீதி அறிவிப்புக்காக முதலமைச்சரை எவ்வளவு பாராட்டினாலும் தகும் என்று குறிப்பிட்ட அவர், தவெக ஆட்சியில் ஊழல் பெருமளவில் குறைந்துள்ளதாகவும், நிர்வாக மாற்றம் சிறப்பாக உள்ளதாகவும் சான்றளித்தார். மேலும், போதைப்பொருளுக்கு எதிராக முதல்வர் விஜய் மாரத்தான் போட்டியில் பங்கேற்று ஓடியதையும் அன்புமணி வரவேற்றுப் பேசியிருப்பது, அவர் தவெக அரசின் மீது வைத்துள்ள நன்மதிப்பை வெளிச்சம் போட்டுக் காட்டுகிறது.

வெறும் வார்த்தை பாராட்டுகளோடு நின்றுவிடாமல், தவெகவின் மிக முக்கிய தூண்களாகக் கருதப்படும் நபர்களுடன் அன்புமணி காட்டும் தனிப்பட்ட நெருக்கமும் இக்கூட்டணி யூகங்களுக்கு வலு சேர்க்கிறது. தவெகவின் பொதுச்செயலாளரும், நீர்வளத்துறை அமைச்சருமான புஸ்ஸி ஆனந்தை தலைமைச் செயலகத்தில் நேரில் சந்தித்து அன்புமணி நீண்ட நேரம் ஆலோசனை நடத்தினார். மேகதாது அணை விவகாரம் குறித்துப் பேசப்பட்ட இந்தச் சந்திப்பில் இரு தலைவர்களும் காட்டிய பரஸ்பர மரியாதையும் தோழமையும் பலரது கவனத்தை ஈர்த்தது. அதேபோல், தவெகவின் மற்றொரு முக்கிய புள்ளியான ஆதவ் அர்ஜுனாவுடன் சென்னை நேரு உள் விளையாட்டு அரங்கில் அன்புமணி ராமதாஸ் இணைந்து பேட்மிண்டன் விளையாடிய வீடியோக்கள் இணையத்தில் வைரலாகி, அரசியல் மேடைகளைத் தாண்டிய இவர்களின் நட்பை உறுதிப்படுத்தின.

அரசியல் பார்வையாளர்களின் கணிப்புப்படி, இந்தத் தொடர் நிகழ்வுகள் தற்செயலானவை அல்ல; மாறாக பாமக மற்றும் தவெக இடையே ஒரு வலுவான கூட்டணிப் பாலம் கட்டப்பட்டு வருவதையே உணர்த்துகின்றன. வட தமிழகத்தில் கணிசமான வாக்கு வங்கியைக் கொண்டுள்ள பாமகவும், மாநிலம் தழுவிய அளவில் இளைஞர்கள் மற்றும் பொதுமக்களின் செல்வாக்கைப் பெற்றுள்ள முதல்வர் விஜய்யின் தவெகவும் இணைவது இரு தரப்பிற்குமே பெரும் அரசியல் மைலேஜைக் கொடுக்கும் ஒரு ‘பிளஸ் + பிளஸ்’ கணக்காகப் பார்க்கப்படுகிறது. அன்புமணியின் இந்தத் தொடர் நகர்வுகள், வரும் காலங்களில் ஒரு மெகா தேர்தல் கூட்டணியாக மலருமா என்பதைப் பொறுத்திருந்துதான் பார்க்க வேண்டும்.