எல்லா அதிகாரமும் அன்புமணிக்கு தான்… முடிவுக்கு வந்த பாமக பிரச்சனை… அடுத்த பரபரப்பு…!

பாமக நிறுவனர் ராமதாஸ் மற்றும் அவருடைய மகனும் பாமக தலைவருமான அன்புமணி இடையே மோதல் போக்கு நாளுக்கு நாள் அதிகரித்து வருகிறது. அன்புமணியை தலைவர் பொறுப்பிலிருந்து நீக்குவதாக அறிவித்த ராமதாஸ், அவர் இனி செயல் தலைவர் மட்டுமே என்றும் கட்சியின் நிறுவனராகவும் தலைவராகவும் நானே செயல்படுவேன் என்றும் அறிவித்துள்ளார். அதே சமயம் ராமதாஸ் மூலம் கட்சியிலிருந்து நீக்கப்பட்ட நிர்வாகிகளை அன்புமணி கட்சியில் சேர்ப்பதாக அறிவித்தார்.

இதனைத் தொடர்ந்து சமீபத்தில் அன்புமணியை ஒட்டுமொத்த அடிப்படை உறுப்பினர் பதவிகளில் இருந்தும் நீக்குவதாக ராமதாஸ் அறிவித்திருந்தார். இப்படி இருவரும் மாறி மாறி அறிவிப்பு வெளியிட்டு வருவதால் பாமகவினர் மத்தியில் குழப்பம் நிலவி வருகிறது. அன்புமணி மற்றும் ராமதாஸ் இடையில் ஏற்பட்ட பிரச்சனையால் பாமக இரண்டாக பிரிந்து கிடக்கிறது. இதனால்தான் பாமக இதுவரை கூட்டணி அமைக்கவில்லை.

இந்நிலையில் பாமகவின் தலைமை, சின்னம் அன்புமணியின் வசம் வந்துள்ளதன் மூலம் குழப்பம் தீர்ந்து விட்டதாக K. பாலு தெரிவித்துள்ளார். வரும் 2026 தேர்தலில் பாமக வேட்பாளர்களை அன்புமணி தான் அறிவிப்பார் எனவும், A, B படிவங்களில் அவர்தான் கையொப்பமிடுவார் என்றும் திட்டவட்டமாக கூறியுள்ளார். மேலும் ராமதாஸின் வழியை பின்பற்றிய தாங்கள் பயணிப்போம் என்ற அவர், பிரிந்து சென்றவர்கள் தங்களுடன் வரலாம் எனவும் அழைப்பு விடுத்துள்ளார். இவருடைய இந்த பேச்சு புதிய பரபரப்பை கிளப்பியுள்ளது.