அதிர்ச்சியில் உறைந்த ஈரான் அதிபர்…. பிரதமர் மோடி போனில் பேசிய அந்த ‘ஒற்றை’ விஷயம்…. கசிந்த ரகசிய தகவல்….!

வளைகுடா நாடுகளில் நிலவி வரும் பதற்றமான சூழலுக்கு மத்தியில், ஈரான் அதிபர் மசூத் பெஷேஷ்கியனுடன் பிரதமர் நரேந்திர மோடி தொலைபேசி வாயிலாகக் கலந்துரையாடியுள்ளார். இந்தப் பேச்சுவார்த்தையின்போது, பிராந்தியத்தில் அதிகரித்து வரும் வன்முறை, பொதுமக்கள் உயிரிழப்பு மற்றும் பொது உள்கட்டமைப்புகளுக்கு ஏற்பட்டுள்ள சேதங்கள் குறித்து பிரதமர் தனது ஆழ்ந்த கவலையை வெளிப்படுத்தினார்.

தற்போதைய போர்ச் சூழல் மேலும் மோசமடைவதைத் தடுக்க வேண்டியதன் அவசியத்தை வலியுறுத்திய பிரதமர் மோடி, அமைதி மற்றும் ஸ்திரத்தன்மைக்கு இந்தியா எப்போதும் முன்னுரிமை அளிப்பதாகக் குறிப்பிட்டார். அனைத்துத் தரப்பினரும் பேச்சுவார்த்தை மற்றும் இராஜதந்திர நடவடிக்கைகளின் மூலம் இந்தப் பிரச்னைக்குத் தீர்வு காண வேண்டும் என்று அவர் கேட்டுக்கொண்டுள்ளார்.

இந்த மோதல் சூழல் காரணமாக, உலகின் மிக முக்கியமான கப்பல் பாதையான ஹார்முஸ் ஜலசந்தியில் இந்தியக் கொடி ஏந்திய வணிகக் கப்பல்களின் பாதுகாப்பு குறித்து இந்தியா ஈரானுடன் தொடர்ந்து தொடர்பில் உள்ளது. எரிசக்தி விநியோகச் சங்கிலியில் ஏற்பட்டுள்ள பாதிப்புகள், இந்தியா உள்ளிட்ட ஆசிய நாடுகளில் எரிபொருள் தட்டுப்பாட்டிற்கு வழிவகுத்துள்ள நிலையில், இந்தியாவின் முதன்மையான முன்னுரிமை அதன் குடிமக்களின் பாதுகாப்பு மற்றும் தடையற்ற எரிசக்தி விநியோகத்தை உறுதி செய்வதே என்று பிரதமர் தெரிவித்துள்ளார்.

இந்தியாவின் எரிவாயு விநியோகம் தொடர்பாகப் பேசிய பெட்ரோலிய அமைச்சர் ஹர்தீப் சிங் பூரி, ஹார்முஸ் ஜலசந்தி வழியாக 20 சதவீத போக்குவரத்து பாதிக்கப்பட்டிருந்தாலும், நாட்டில் போதுமான எல்பிஜி இருப்பு உள்ளதாக உறுதியளித்துள்ளார். மக்கள் பீதியடையத் தேவையில்லை என்று கூறியுள்ள பிரதமர் மோடி, தற்போதைய நெருக்கடியை ஒற்றுமையுடனும் பொறுப்புடனும் நாடு எதிர்கொள்ளும் என்ற நம்பிக்கையைத் தெரிவித்துள்ளார்.