2026 தமிழக சட்டமன்றத் தேர்தல் களம் சூடுபிடித்துள்ள நிலையில், தமிழக வெற்றி கழகத் (TVK) தலைவர் நடிகர் விஜய் 234 தொகுதிகளுக்கும் வேட்பாளர் பட்டியலைத் தயார் செய்து வருவதாகத் தகவல்கள் வெளியாகின. இது குறித்துச் சென்னை விமான நிலையத்தில் செய்தியாளர்களிடம் பேசிய மத்திய அமைச்சரும், பாஜகவின் தமிழக தேர்தல் பொறுப்பாளருமான பியூஷ் கோயல், விஜய்யின் அரசியல் வருகையை மிகக் கடுமையாக விமர்சித்துள்ளார். விஜய்க்குத் தமிழக அரசியல் சூழல் குறித்தோ, மக்களின் கலாச்சாரம் மற்றும் தேவைகள் குறித்தோ எந்தப் புரிதலும் இல்லை என்று அவர் சாடியுள்ளார்.
திரையுலகப் புகழை வைத்து மட்டும் அரசியலில் வென்றுவிட முடியாது எனக் குறிப்பிட்ட பியூஷ் கோயல், எம்.ஜி.ஆர் மற்றும் ஜெயலலிதா ஆகியோர் பல ஆண்டுகள் மக்களுக்காகப் பணியாற்றி, அரசியல் அனுபவம் பெற்ற பிறகே முதலமைச்சர்களாக உயர்ந்தனர் என்பதைச் சுட்டிக்காட்டினார். நடிகர் விஜய் தற்போது ஒரு கனவு உலகில் வாழ்ந்து கொண்டிருப்பதாகக் கேலி செய்த அவர், ரசிகர்களின் பலம் என்பது எப்போதும் வாக்குகளாக மாறாது என்பதற்கு விஜயகாந்த் மற்றும் கமல்ஹாசன் ஆகியோரின் அரசியல் பயணங்களே சாட்சி என்று ஒப்பிட்டுப் பேசினார்.
விஜய்யின் தமிழக வெற்றி கழகம் வரவிருக்கும் தேர்தலில் வெறும் “வாக்குகளைப் பிரிக்கும்” (Vote Cutter) கட்சியாக மட்டுமே இருக்குமே தவிர, அவர்களால் பெரிய தாக்கத்தை ஏற்படுத்த முடியாது என்று கோயல் தெரிவித்தார். மேலும், இக்கட்சியால் 2026 தேர்தலில் 3 அல்லது 4 இடங்களைக் கூடத் தாண்ட முடியாது என்று அவர் கணித்துள்ளார். விஜய்யின் அரசியல் நகர்வுகள் ஒரு சிறிய முயற்சியாக முடிந்துவிடும் என்றும், தமிழக மக்கள் அனுபவமற்ற தலைவர்களை எப்போதும் ஏற்றுக்கொண்டதில்லை என்றும் அவர் தனது உரையில் வலியுறுத்தினார்.
அதே வேளையில், தமிழகத்தில் திமுக – காங்கிரஸ் கூட்டணி ஊழலில் ஊறிப்போயுள்ளதாக விமர்சித்த பியூஷ் கோயல், அதிமுக தலைமையிலான தேசிய ஜனநாயகக் கூட்டணி (NDA) மிகவும் வலுவாக இருப்பதாகவும், தொகுதிப் பங்கீடுகள் சுமுகமாக முடிந்துள்ளதாகவும் தெரிவித்தார். 2026 தேர்தல் தமிழக அரசியலில் ஒரு வரலாற்றுச் சிறப்புமிக்க மாற்றத்தை ஏற்படுத்தும் என்றும், மக்கள் மாற்றத்தை எதிர்நோக்கிக் காத்திருப்பதாகவும் அவர் நம்பிக்கை தெரிவித்தார்.
கேரள மாநிலம் குரவிலங்காடு பகுதியில், இருசக்கர வாகனத்தில் பயணித்த பாஸ்டர் ஜோமன் மேத்யூ மற்றும் அவரது மனைவி பாபிதா ஆகியோர்…
கர்நாடக மாநில திறந்தநிலை பல்கலைக்கழகத்தின் சிவமொக்கா தேர்வு மையத்தில், பட்டம் மற்றும் முதுகலைத் தேர்வு எழுதிய மாணவர்கள் முறைகேட்டில் ஈடுபட்டதாகப்…
சமூக வலைதளங்களில் நாள்தோறும் எத்தனையோ விசித்திரமான மற்றும் அதிர்ச்சியூட்டும் செய்திகள் வைரலாகி வந்தாலும், தற்போது உலக நாடுகளைச் சேர்ந்த கோடிக்கணக்கான…
உத்தரப் பிரதேச மாநிலம் அலிகாரில் முன்னாள் பாஜக மாவட்டத் தலைவர் தேவராஜ் சிங்கின் சொகுசு ஆடி கார் மோதி, மனோஜ்…
நியூயார்க்கின் ஆல்பனி நகரில் வசித்து வந்த தெலங்கானாவைச் சேர்ந்த 25 வயதுப் பெண் நல்லமலா அக்ஷிதா, மாரடைப்பு ஏற்பட்டு பரிதாபமாக…
தெலுங்கானா மாநிலம் சித்திபேட்டை மாவட்டம் மத்தூர் பகுதியில், 15 வயது சிறுமி ஒருவர் பாலியல் வன்கொடுமை செய்யப்பட்ட சம்பவத்தில் 3…