“இந்தம்மா இதெல்லாம் ரொம்ப தப்பு” தற்கொலை செய்ய பாலத்தின் மீது ஏறி நின்ற பெண்… துணிச்சலாக காப்பாற்றிய வழிபோக்கர்..!!

சத்தீஸ்கரின் பிலாஸ்பூரில் உள்ள அர்பா நதியில் குதிப்பதாக மிரட்டி ஒரு இளம் பெண் தற்கொலைக்கு முயன்ற அதிர்ச்சியூட்டும் சம்பவம் அதிர்ச்சியை ஏற்படுத்தியுள்ளது. அப்போது அவ்வழியாக சென்ற வழிப்போக்கர் அப்பெண்ணை பாலத்திலிருந்து காப்பாற்றினார். அவரது தற்கொலை முயற்சிக்கான காரணம் தெளிவாகத் தெரியவில்லை. ஆனால் அது காதலனோடு நடந்த சண்டையால் ஏற்பட்டதாகக் கூறப்படுகிறது. அவர் ஆற்றில் குதிக்க முயற்சிக்கும்போது யாரோ ஒருவர் பதிவு செய்தார். முழு சம்பவமும் அந்த காட்சியில் பதிவாகியுள்ளது.

அர்பா நதியின் பாலத்தின் தண்டவாளத்தின் ஓரத்தில் தற்கொலை செய்வதற்காக நின்று கொண்டிருந்த பெண்ணின் அருகில் துணிச்சலுடன் சென்ற வழிப்போக்கரின் வீரத்தால் இந்த அதிர்ச்சியூட்டும் சோகம் தவிர்க்கப்பட்டது. அந்த நபர் கவனமாக அவருடைய இரண்டு கைகளையும் பிடித்து பாலத்தின் மீதிருந்து  தன்னுடைய பக்கமாக இழுத்து காப்பாற்றியுள்ளார். இந்த வீடியோ இணையத்தில் வைரலாகி வருகிறது.