அய்யய்யோ என்னப்பா இது… “ரோட்டுல போனா சொர்க்கத்துக்கே போயிடுவோம் போல”… மும்பை-புனே பாதையில் பயணிகள் ஷாக்… வைரல் வீடியோ பின்னணி…!

தற்போது பெய்து வரும் தென்மேற்கு பருவமழை காரணமாக, புதிதாகத் திறக்கப்பட்ட மும்பை-புனே விரைவுச் சாலையின் ‘மிஸ்ஸிங் லிங்க்’ பாதை இயற்கை எழில் கொஞ்சும் சொர்க்கமாக மாறியுள்ளது. லோனாவாலா மற்றும் கண்டாலா பகுதிகளைச் சுற்றியுள்ள சஹயாத்ரி மலைத்தொடர் முழுவதும் பச்சைப்பசேல் பாறைகள், அடர்ந்த பனிமூட்டம், தாழ்வாகச் செல்லும் மேகக்கூட்டங்கள் மற்றும் மலையிலிருந்து ஆர்ப்பரித்து கொட்டும் நீர்வீழ்ச்சிகளால் சூழப்பட்டுள்ளது. இது தொடர்பான வீடியோ இணையதளங்களில் வைரலாகி, சமூக வலைதளப் பயனாளர்களைப் பெரிதும் கவர்ந்துள்ளது.

சுமார் ரூ 6,695 கோடி மதிப்பீட்டில் உருவாக்கப்பட்டுள்ள இந்த 13.3 கி.மீ நீளமுள்ள மிஸ்ஸிங் லிங்க் திட்டம், ராய்காட் மாவட்டத்தின் கோபோலியையும் புனே மாவட்டத்தின் குஸ்காவனையும் இணைக்கிறது. விபத்துகள் மற்றும் நிலச்சரிவுகள் அதிகம் நிகழும் பழைய கண்டாலா-லோனாவாலா கணவாய்ப் பாதையைத் தவிர்க்கும் வகையில் இது அமைக்கப்பட்டுள்ளது. இத்திட்டத்தில் 10.55 கி.மீ நீளமுள்ள இரு பெரும் சுரங்கப்பாதைகள், உயர்மட்ட மேம்பாலங்கள் மற்றும் 650 மீட்டர் நீளமுள்ள நவீன கேபிள் பாலம் ஆகியவை அடங்கும்.

https://www.instagram.com/reel/Db0EEtxMVo3/?utm_source=ig_web_button_share_sheet

மலைப்பகுதி வழியே செல்லும் இந்தப் பாதை, இரு நகரங்களுக்கும் இடையிலான பயண நேரத்தைக் குறைப்பதோடு பயணிகளுக்குக் கண்கவர் இயற்கை அழகையும் விருந்தாக அளிக்கிறது. இருப்பினும், ஜூலை மாதத்தில் நிலச்சரிவு ஏற்பட்டு போக்குவரத்து சில மணிநேரம் பாதிக்கப்பட்டதைச் சுட்டிக்காட்டி, பருவமழைக் காலத்தில் இத்தகைய மலைப்பாதைகளில் பயணிக்கும் வாகன ஓட்டிகள் கவனமாகவும் எச்சரிக்கையுடனும் வாகனம் ஓட்டுமாறு அறிவுறுத்தப்படுகிறார்கள்.