சார்ஜர் போட இப்படியா செய்வீங்க..? நூற்றுக்கணக்கான உயிர்களுடன் விளையாடிய பயணி… ரயிலில் நடந்த பகீர் சம்பவம்… வைரலாகும் அதிர்ச்சி வீடியோ..!!

இந்திய ரயில்வேயின் பொதுப் பெட்டி ஒன்றில் பயணி ஒருவர் செய்த ஆபத்தான செயல் தொடர்பான வீடியோ சமூக வலைதளங்களில் வெளியாகி கடும் அதிர்ச்சியை ஏற்படுத்தியுள்ளது. அந்த வீடியோவில், கூட்ட நெரிசல் மிகுந்த பெட்டியில் மேல் படுக்கையில் (Upper Berth) அமர்ந்திருக்கும் ஒரு பயணி, தனது மொபைல் போனை சார்ஜ் செய்ய மிகவும் அபாயகரமான முறையைக் கையாண்டுள்ளார். அவர் மின்சார ஸ்விட்ச் போர்டில் எவ்விதப் பாதுகாப்பும் இல்லாத திறந்த மின்சாரக் கம்பிகளை (naked wires) நேரடியாகச் செருகி மின்சாரம் எடுத்துள்ளார். ரயில் குலுங்கும் போதோ அல்லது தவறுதலாக யாராவது தொடும் போதோ மின்சாரம் பாயும் அபாயம் உள்ள நிலையில், நூற்றுக்கணக்கான பயணிகளின் உயிரைப் பணையம் வைத்து அவர் செய்த இந்தச் செயல் அனைவரையும் உறைய வைத்துள்ளது.

மேலும், அந்தப் பயணி தான் அமர்ந்திருந்த இடத்திற்கு அருகிலுள்ள லக்கேஜ் வைக்கும் ரேக்கில் தனது காலணிகளைத் தொங்கவிட்டிருந்தது மற்ற பயணிகளிடையே கடும் அதிருப்தியை ஏற்படுத்தியுள்ளது. பொது இடங்களில் கடைப்பிடிக்க வேண்டிய அடிப்படை ஒழுக்கமும், பாதுகாப்பு உணர்வும் இல்லாத இத்தகையச் செயல்கள் பெரிய அளவிலான விபத்துகளுக்கும், உயிர்ச் சேதங்களுக்கும் வழிவகுக்கும் என்று நெட்டிசன்கள் எச்சரித்துள்ளனர். எக்ஸ் (X) தளத்தில் பகிரப்பட்ட இந்த வீடியோவைக் கண்ட பயனர்கள், ரயில்வே பாதுகாப்புப் படையினரை (RPF) டேக் செய்து, சம்பந்தப்பட்ட நபர் மீது கடும் நடவடிக்கை எடுக்க வேண்டும் என்றும், பயணிகளின் பாதுகாப்பை உறுதி செய்ய வேண்டும் என்றும் கோரிக்கை விடுத்து வருகின்றனர்.