பழனி தண்டாயுதபாணி சுவாமி திருக்கோவில் மடத்திற்குச் சொந்தமான சுமார் ரூ.100 கோடி மதிப்பிலான நிலத்தை போலி ஆவணங்கள் மூலம் விற்பனை செய்த விவகாரத்தில், கொடைக்கானல் சார்பதிவாளர் ஜஸ்டின் மணிகண்டன் மீது ஏற்கனவே வழக்குப்பதிவு செய்யப்பட்டு சிபிசிஐடி விசாரணை நடைபெற்று வருகிறது. பழனி சார்பதிவாளர்கள் கோவில் நிலத்தைப் பதிவு செய்ய மறுத்து விடுப்பில் சென்ற நிலையில், கொடைக்கானலில் இருந்து ஜஸ்டின் மணிகண்டன் சிறப்பு அதிகாரமாக வரவழைக்கப்பட்டு இந்த முறைகேடான பத்திரப்பதிவு நடத்தப்பட்டது அம்பலமானது. இந்தச் சட்டவிரோதப் பதிவை சென்னை உயர்நீதிமன்ற மதுரை அமர்வு சமீபத்தில் ரத்து செய்து உத்தரவிட்டது.
இந்நிலையில், சார் பதிவாளர் ஜஸ்டின் மணிகண்டன் மீது கடந்த ஆண்டே பெரியகுளம் நில மோசடி வழக்கு ஒன்றிலும் வழக்குப்பதிவு செய்யப்பட்டிருப்பது தற்போது வெளிச்சத்திற்கு வந்துள்ளது. தேனி மாவட்டம் மேல்மங்கலத்தைச் சேர்ந்த தொழிலதிபர் விஜய்பாலா என்பவருக்குச் சொந்தமான 1.08 ஏக்கர் நிலம், அவரது அத்தையின் 99 சென்ட் நிலம் மற்றும் 7 மனைப் பிரிவுகளை சிலர் ஆள்மாறாட்டம் செய்து போலி நபர்களைக் கொண்டு பத்திரப்பதிவு செய்துள்ளனர். இது குறித்து விஜய்பாலா அளித்த புகாரின் பேரில், பெரியகுளத்தில் சார்பதிவாளராகப் பணியாற்றிய ஜஸ்டின் மணிகண்டன் உட்பட 20 பேர் மீது தேனி மாவட்ட குற்றப்பிரிவு காவல்துறை வழக்குப்பதிவு செய்து விசாரணை நடத்தி வருகிறது.
ஜஸ்டின் மணிகண்டனின் மோசடிப் பின்னணி இதோடு முடியவில்லை; இவர் ஏற்கனவே திண்டுக்கல் மாவட்டம் ஒட்டன்சத்திரத்தில் சார்பதிவாளராகப் பணியாற்றியபோது, விவசாயி ஒருவரின் நிலத்தை முறைகேடாகப் பதிவு செய்த புகாரில் பணி இடைநீக்கம் செய்யப்பட்டவர் என்பது குறிப்பிடத்தக்கது. ஒட்டன்சத்திரம், பழனி மற்றும் பெரியகுளம் எனத் தொடர்ந்து இவர் பணியாற்றிய இடங்களிலெல்லாம் அரசு மற்றும் தனிநபர் நிலங்களை போலிப் பத்திரப்பதிவு செய்ய உடந்தையாக இருந்து கைவரிசை காட்டியுள்ளது பொதுமக்கள் மற்றும் அரசு வட்டாரத்தில் பெரும் அதிர்ச்சியை ஏற்படுத்தியுள்ளது.
தற்போது பழனி கோவில் நில மோசடி வழக்கை தீவிரமாக விசாரித்து வரும் சிபிசிஐடி, ஜஸ்டின் மணிகண்டன் வேறு எந்தெந்த ஊர்களில் பணியாற்றியபோது இதுபோன்ற முறைகேடுகளில் ஈடுபட்டுள்ளார் என்பது குறித்தும் தனியாக விசாரணையைத் தொடங்கியுள்ளனர். தொடர் நில மோசடிகளில் தொடர்புடைய சார்பதிவாளர் மீது கடுமையான சட்ட நடவடிக்கை எடுக்கப்படும் என எதிர்பார்க்கப்படுகிறது.
உத்தரபிரதேச மாநிலம் கன்னோஜ் மாவட்டத்திற்குட்பட்ட ஜகத்பூர் பகுதியைச் சேர்ந்த சுக்பீர் சிங் என்பவர் அரியானாவில் பணியாற்றி வந்தார். 11 ஆண்டுகளுக்கு…
தமிழகத்தைச் சேர்ந்த தொழிலதிபர் ஆனந்த், பெங்களூரு எலகங்கா பகுதியில் தனது குடும்பத்துடன் வசித்துக்கொண்டு மக்காச்சோள இயந்திரங்கள் தயாரிக்கும் தொழில் செய்து…
உத்தரப் பிரதேச மாநிலத்தில் பணி நிமித்தமாகக் காவலாளி ஒருவர் இருசக்கர வாகனத்தில் சென்றபோது, அதிவேகமாக வந்த லாரி மோதிப் பரிதாபமாக…
சென்னை நீலாங்கரை, கபாலீஸ்வரர் நகர் தெற்கு 4-வது மெயின் ரோடு பகுதியில், பிறந்து சில மணி நேரங்களே ஆன பச்சிளம்…
வடகொரியா தனது வான் எல்லை பாதுகாப்பை மேலும் பலப்படுத்தும் நோக்கில், மனித உதவியின்றி இலக்குகளைத் தானாகவே துல்லியமாகக் கண்டறிந்து தாக்கும்…
அமெரிக்காவில் கால்பந்து போட்டிக்கு முன்னதாக நடைபெற்ற ராணுவ வான்வழி சாகசத்தின் போது ஹெலிகாப்டர் மிக அருகில் பட்டாசுகள் வெடித்துச் சிதறிய…