தருமபுரி நாடாளுமன்றத் தொகுதியில் போட்டியிடும் தே.மு.தி.க வேட்பாளரை ஆதரித்து, அக்கட்சியின் பொதுச்செயலாளர் பிரேமலதா விஜயகாந்த் தருமபுரி, நல்லம்பள்ளி, இண்டூர் உள்ளிட்ட பகுதிகளில் நேற்று இரவு தீவிர தேர்தல் பிரசாரம் மேற்கொண்டார். அப்போது பேசிய அவர், தி.மு.க தலைவர் மு.க.ஸ்டாலின் தலைமையிலான இந்தக் கூட்டணி மக்கள் விரும்பும் கூட்டணியாக உருவெடுத்துள்ளதாகவும், தமிழகத்தின் அனைத்துப் பகுதிகளிலும் இந்தத் தொகுதிக்கு மிகச்சிறந்த வரவேற்பு கிடைத்து வருவதாகவும் பெருமிதத்துடன் தெரிவித்தார்.
தங்களது அரசியல் பாணி குறித்துப் பேசிய பிரேமலதா, எதிர்க்கட்சிகளைத் தரக்குறைவாகத் திட்டி வாக்கு சேகரிக்கும் பழக்கம் தங்கள் கூட்டணிக்குக் கிடையாது என்றும், யார் எப்படிப்பட்டவர்கள் என்பது மக்களுக்கு நன்றாகவே தெரியும் என்றும் குறிப்பிட்டார். “துளசியின் வாசம் மாறினாலும் தவசியின் வார்த்தை மாறாது” என்ற பழமொழியைச் சுட்டிக்காட்டிய அவர், மறைந்த முன்னாள் முதல்வர் கருணாநிதி, தற்போதைய முதல்வர் மு.க.ஸ்டாலின் ஆகியோருடன் கேப்டன் விஜயகாந்திற்கு இருந்த 50 ஆண்டுகால ஆழமான நட்பை நெகிழ்ச்சியுடன் நினைவு கூர்ந்தார்.
மேலும், விடுதலைச் சிறுத்தைகள் கட்சித் தலைவர் திருமாவளவனுக்கும் விஜயகாந்திற்கும் இடையிலான நெருங்கிய நட்பைப் பற்றிக் குறிப்பிட்ட அவர், தாங்கள் அனைவரும் ஒரே குடும்பமாகச் செயல்படுவதாகத் தெரிவித்தார். நேற்று காலை திருமாவளவனுடன் தொலைபேசியில் உரையாடியதை உறுதிப்படுத்திய பிரேமலதா, தே.மு.தி.க-விற்கு வி.சி.க முழு ஆதரவு அளித்துத் தேர்தல் பணிகளில் ஈடுபடும் என்று அவர் கூறியதாகத் தெரிவித்தார். வி.சி.க போட்டியிடும் தொகுதிகளில் தான் பிரசாரம் செய்ய உள்ளதாகவும், அதேபோல் தான் போட்டியிடும் விருத்தாசலம் தொகுதியில் திருமாவளவன் பிரசாரம் மேற்கொள்வார் என்றும் அவர் கூறினார்.
இறுதியாக, தி.மு.க தலைமையிலான இந்தக் கூட்டணி 234 தொகுதிகளிலும் வெற்றி பெற்று தமிழகத்தில் 7-வது முறையாக ஆட்சி அமைக்கும் என அவர் நம்பிக்கை தெரிவித்தார். மு.க.ஸ்டாலின் தனது தேர்தல் வாக்குறுதிகள் அனைத்தையும் நிறைவேற்றுவார் என்று உறுதியளித்த அவர், “அரிவாளால் நெல் கதிர்களை அறுத்து, பானையில் சமைத்து, கைகளால் முரசு கொட்டி உதயசூரியனுக்கு அந்தப் பொங்கலைப் படைப்போம்” என கூட்டணிக் கட்சிகளின் சின்னங்களை ஒன்றிணைத்து கவித்துவமாகத் தனது உரையை நிறைவு செய்தார்.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…