அதிர்ச்சி… நீ யார்னு நினைச்சுகிட்டு இருக்க?… நோயாளியின் மகனால் கொடூரமாக தாக்கப்பட்ட… எலும்பியல் மருத்துவர்… பதறவைக்கும் CCTV வீடியோ…!!

கல்யாண் கிழக்கு பகுதியில் உள்ள பானுஜோத் மருத்துவமனையில் 41 வயதான எலும்பியல் மருத்துவர் யோகேந்திர ஜெய்ஸ்வால் என்பவர் பணியாற்றி வருகிறார். சனிக்கிழமை இரவு, முதுகுவலியால் பாதிக்கப்பட்ட தனது தந்தையை அழைத்துக் கொண்டு வினீத் ஜெயவந்த் தேஷ்முக் என்ற 30 வயது நபர் சிகிச்சைக்காக வந்துள்ளார். மருத்துவர் நோயாளியை பரிசோதித்து, மருந்துகளையும் உணவு முறைகளையும் விளக்கியுள்ளார்.

மருத்துவர் அனைத்து விளக்கங்களையும் அளித்தபோதிலும், நோயாளியின் மகன் மீண்டும் மீண்டும் அதே கேள்விகளைக் கேட்டு ஏளனமாகவும் மரியாதைக் குறைவாகவும் பேசியுள்ளார். இதனை மருத்துவர் தட்டிக்கேட்டபோது, “நீ யார் என நினைத்துக் கொண்டிருக்கிறாய்?” எனக்கூறி ஆத்திரமடைந்த வினீத், மருத்துவரை தகாத வார்த்தைகளால் திட்டி, முகத்தில் தாக்கியதுடன் அவரது கழுத்தைப் பிடித்துத் தள்ளியுள்ளார். அங்கிருந்த மற்ற நோயாளிகளும் உறவினர்களும் தலையிட்டு மருத்துவரை மீட்டனர்.

இச்சம்பவம் மருத்துவமனையின் சிசிடிவி கேமராவில் பதிவாகியுள்ளது. மருத்துவமனை நிர்வாகம் அளித்த புகாரின் பேரில், கொல்சேவாடி காவல்துறையினர் வினீத் மீது பாரதிய நியாய சன்ஹிதா பிரிவுகளின் கீழ் வழக்குப்பதிவு செய்துள்ளனர். சில வாரங்களுக்கு முன்புதான் தொம்பிவிலியில் பெண் மருத்துவர் ஒருவர் தாக்கப்பட்ட நிலையில், தற்போது மீண்டும் இத்தகைய தாக்குதல் நடந்துள்ளது மருத்துவ சமூகத்தினரிடையே கொந்தளிப்பை ஏற்படுத்தியுள்ளது. மருத்துவர்கள் மற்றும் மருத்துவமனைப் பணியாளர்களுக்குத் தகுந்த பாதுகாப்பு வழங்க அரசு நடவடிக்கை எடுக்க வேண்டும் என கோரிக்கை விடுக்கப்பட்டு வருகிறது.