ஜெயிலுக்கு போக வேண்டியவர் எடப்பாடி… அவரை காப்பாற்றியது யார் தெரியுமா..? பகீர் கிளப்பிய ஓபிஎஸ்..!!

தேனி மாவட்டம் போடியில் நடைபெற்ற மதச்சார்பற்ற முற்போக்கு கூட்டணி வேட்பாளர் அறிமுகக் கூட்டத்தில் உரையாற்றிய திமுக வேட்பாளர் ஓ.பன்னீர்செல்வம், எடப்பாடி பழனிசாமியை மிகக் கடுமையாக விமர்சித்துப் பேசினார். தான் திமுகவில் இணைந்ததை தமிழக மக்கள் அனைவரும் வரவேற்பதாகக் குறிப்பிட்ட அவர், பெரியார், அண்ணா மற்றும் கலைஞர் ஆகியோரின் பக்குவத்தைப் பெற்று அனைவரையும் அரவணைத்துச் செல்லும் ஆற்றல் கொண்ட ஒரே தலைவர் முதலமைச்சர் ஸ்டாலின் மட்டுமே என்று புகழாரம் சூட்டினார். மேலும், திமுக தலைமையிலான கூட்டணியில் இருந்து எந்தக் கட்சியும் வெளியேறவில்லை என்பது ஸ்டாலினின் தலைமைக்குக் கிடைத்த வெற்றி என்றும் அவர் பெருமிதத்துடன் தெரிவித்தார்.

தொடர்ந்து பேசிய ஓபிஎஸ், எடப்பாடி பழனிசாமிக்கு அரசியல் நாகரீகம் இல்லை என்றும், அவருக்கு வரும் தேர்தலில் ஒரு தொகுதியில் கூட வெற்றி கிடைக்காது என்பதால் தற்போது ‘மூளை அவுட்’ ஆகிவிட்டதாகவும் சாடினார். “கலைஞர் குறித்துப் பேச எடப்பாடிக்கு என்ன தகுதி இருக்கிறது?” என்று கேள்வி எழுப்பிய அவர், எடப்பாடி பழனிசாமி அரசியலுக்கு வந்த வரலாற்றையும், அவர் சிறைக்குச் செல்வதிலிருந்து யார் காப்பாற்றினார்கள் என்பதையும் மக்கள் மறக்கவில்லை என்று சுட்டிக்காட்டினார். ஈபிஎஸ் தன்னைத் துரோகி என்று அழைப்பதற்குப் பதிலடியாக, உண்மையான துரோகத்தை இழைத்தது எடப்பாடி தான் என்றும் அவர் குற்றம் சாட்டினார்.

மக்களுக்காகப் பல நற்பணிகளைச் செய்த முதலமைச்சர் ஸ்டாலின் குறித்து மட்டுமே மக்கள் பேசி வருவதாகவும், அதிமுகவைப் பற்றியோ அதன் தலைவர்கள் குறித்தோ யாரும் கவலைப்படுவதில்லை என்றும் ஓபிஎஸ் விமர்சித்தார். தோல்வி பயத்தால் எடப்பாடி பழனிசாமி மேடைகளில் கத்துவதாகவும், தேர்தல் முடிவுகளுக்குப் பிறகு அவருக்குப் படுதோல்வி நிச்சயம் என்றும் அவர் சூளுரைத்தார். சமூக நீதிக்காகப் போராடிய கலைஞரைப் பற்றிப் பேச எடப்பாடிக்கு எந்த அருகதையும் இல்லை என்று கூறிய ஓபிஎஸ், வரும் தேர்தலில் அதிமுக ஒரு இடத்தில் கூட ஜெயிக்க முடியாது என்று ஆணித்தரமாகத் தெரிவித்தார்.