சிலிண்டர் விலை குறையுமா? ஏறுமா?… மார்ச் 1-ல் இல்லத்தரசிகளுக்கு காத்திருக்கும் அதிர்ச்சி… வைரலாகும் மகிழ்ச்சி அப்டேட்..!!!

மார்ச் 1-ஆம் தேதி முதல் சாமானிய மக்களின் அன்றாட வாழ்க்கையில் முக்கிய மாற்றங்கள் ஏற்படவுள்ளன. குறிப்பாக, எண்ணெய் நிறுவனங்கள் சமையல் எரிவாயு சிலிண்டர் விலையை மாதத்தின் முதல் நாளில் மாற்றியமைக்க உள்ளன கடந்த மாதம் வணிக சிலிண்டர் விலை உயர்ந்த நிலையில், இந்த மாதம் வீட்டு உபயோக சிலிண்டர் விலை குறையுமா என்ற எதிர்பார்ப்பு எழுந்துள்ளது.

மேலும், ரயில் பயணிகளுக்கு முக்கிய அறிவிப்பாக, முன்பதிவு இல்லாத டிக்கெட்டுகளைப் பெறப் பயன்படும் ‘யுடிஎஸ்’ செயலி மார்ச் 1 முதல் நிறுத்தப்பட்டு, அதற்குப் பதிலாக மேம்படுத்தப்பட்ட வசதிகளுடன் கூடிய ‘ரயில் ஒன்’ என்ற புதிய செயலி அறிமுகப்படுத்தப்பட உள்ளது. நிதி சார்ந்த நடைமுறைகளிலும் புரட்சிகரமான மாற்றங்கள் அறிவிக்கப்பட்டுள்ளன.

இதனால் ஊழியர் வருங்கால வைப்பு நிதி சந்தாதாரர்கள் இனி தங்கள் பிஎஃப் பணத்தை நேரடியாக ஏடிஎம் மையங்கள் மற்றும் யுபிஐ செயலிகள் மூலமாகவே எடுத்துக்கொள்ளும் வசதி மார்ச் முதல் பயன்பாட்டிற்கு வருகிறது. இது அவசரத் தேவைகளுக்காகக் காத்திருக்காமல் எளிதில் பணத்தைப் பெற உதவும். இத்தகைய மாற்றங்கள் அனைத்தும் மக்களின் பொருளாதார மற்றும் பயணத் தேவைகளில் நேரடித் தாக்கத்தை ஏற்படுத்தும் என்பதால், பொதுமக்கள் இவை குறித்து விழிப்புடன் இருப்பது அவசியமாகும்.