தமிழகச் சட்டமன்றத் தேர்தல் நெருங்கி வரும் வேளையில், அதிமுக மற்றும் பாஜக இடையிலான தொகுதிப் பங்கீடு பேச்சுவார்த்தை தற்போது அரசியல் வட்டாரத்தில் பெரும் அனலைக் கிளப்பியுள்ளது. கடந்த 2024 நாடாளுமன்றத் தேர்தலில் தங்களுக்குக் கிடைத்த 11 சதவீத வாக்கு வங்கியை முன்வைத்து, இந்த முறை கூடுதல் இடங்களைப் பெற பாஜக கறாரான பிடியில் உள்ளது. குறிப்பாக, அதிமுக கூட்டணியில் பாஜகவுக்கு குறைந்தபட்சம் 30 தொகுதிகளாவது ஒதுக்கப்பட வேண்டும் என்றும், அதற்கு கீழே பேச்சுக்கே இடமில்லை என்றும் அக்கட்சி மேலிடம் அதிரடி உத்தரவை பிறப்பித்துள்ளது.
மத்திய அமைச்சர் பியூஷ் கோயல் தலைமையிலான பாஜக குழு, தேசிய ஜனநாயகக் கூட்டணியில் உள்ள ஏனைய கட்சிகளான அமமுக, புதிய நீதிக்கட்சி மற்றும் தமிழக மக்கள் முன்னேற்றக் கழகம் ஆகியவற்றையும் உள்ளடக்கி மொத்தம் 50 தொகுதிகள் வரை அதிமுகவிடம் எதிர்பார்ப்பதாகத் தெரிகிறது. இதில் பாஜகவுக்கு மட்டும் 30 முதல் 35 இடங்கள் ஒதுக்கப்பட வேண்டும் என்பது அவர்களின் முக்கிய கோரிக்கையாக உள்ளது. கடந்த 2021 தேர்தலில் ஒதுக்கப்பட்ட 20 தொகுதிகள் என்பது தற்போதைய சூழலுக்குப் போதாது என்பது பாஜகவின் வாதமாக இருக்கிறது.
மறுபுறம், அதிமுக பொதுச்செயலாளர் எடப்பாடி பழனிசாமி தனது நிலையில் மிகவும் உறுதியாக இருக்கிறார். அதிமுக தனித்து 170 தொகுதிகளில் போட்டியிட்டால் மட்டுமே ஆட்சி அமைக்கத் தேவையான பெரும்பான்மையைப் பெற முடியும் என்பதில் அவர் தெளிவாக உள்ளார். இதனால் பாஜகவுக்கு அதிகபட்சமாக 25 தொகுதிகளையும், மற்ற சிறிய கூட்டணிக் கட்சிகளுக்கு 10 தொகுதிகளையும் மட்டுமே ஒதுக்க அதிமுக முன்வந்துள்ளது. மேலும் பாமக, தமாகா போன்ற கட்சிகளையும் திருப்திப்படுத்த வேண்டிய கட்டாயம் அதிமுகவுக்கு இருப்பதால், இடங்களைப் பகிர்ந்து கொடுப்பதில் பெரும் சவால் நிலவுகிறது.
தற்போது இரு தரப்பிற்கும் இடையே இழுபறி நீடித்து வந்தாலும், வரும் மார்ச் 1-ஆம் தேதி பிரதமர் நரேந்திர மோடி மதுரைக்கு வருகை தர உள்ளார். அவரது வருகைக்குப் பிறகு நிலவும் முட்டுக்கட்டைகள் நீங்கி, தொகுதிப் பங்கீடு தொடர்பான இறுதி உடன்பாடு எட்டப்படும் என்று எதிர்பார்க்கப்படுகிறது. தங்களின் செல்வாக்கை நிரூபிக்க பாஜகவும், ஆட்சியைப் பிடிக்க அதிமுகவும் மல்லுக்கட்டி வருவதால், இந்த “பவர் பாலிடிக்ஸ்” வரும் நாட்களில் இன்னும் சூடுபிடிக்கும் என்பதில் சந்தேகமில்லை.
உத்திரப்பிரதேசத்தில் கங்கா எக்ஸ்பிரஸ்வேயில் கட்டுப்பாட்டை இழந்த கார் மோதிய விபத்தில் ஒரே குடும்பத்தைச் சேர்ந்த 4 பேர் பரிதாபமாக உயிரிழந்த…
டெல்லியில் போதைப்பொருள் விற்க மறுத்த பூ வியாபாரி பெண்ணைக் கும்பல் ஒன்று லத்தியால் தாக்கியுள்ள சம்பவம் சமூக வலைதளங்களில் வைரலாகிப்…
கன்னியாகுமரி மாவட்டம் கருங்கல் அருகே நேர்ந்த இருசக்கர வாகன விபத்தில் 13 வயது பரதநாட்டியக் கலைஞர் சிறுமி பரிதாபமாக உயிரிழந்த…
மத்திய அரசின் சார்பில் அரசுப் பள்ளி மாணவர்களுக்காக நடத்தப்படும் தேசிய வருவாய்வழி மற்றும் திறன் படிப்புதவித் தொகை திட்டத் தேர்விற்கு…
தவெக எம்.எல்.ஏ.க்கள் விவகாரத்தில் முதல்வர் ஜோசப் விஜய் விடுத்த எச்சரிக்கை வெறும் கண்துடைப்பு நாடகம் என்றும், பஞ்ச் டயலாக் பேசி…
கள்ளக்குறிச்சி மாவட்ட ஆட்சியருக்குத் தகாத குறுஞ்செய்தி அனுப்பியதாக எழுந்துள்ள குற்றச்சாட்டில் தொடர்புடைய தவெக எம்.எல்.ஏ. அருள் விக்னேஷை ஆளுங்கட்சி தரப்பு…