“இது ஆரம்பம் தான்.. அடுத்து பவர் பிளான்ட் காலி!”… ஈரானை மிரளவிட்ட ட்ரம்பின் ‘வார்’ மெசேஜ்… பதிலுக்குப் பதில் ஈரான் கொடுத்த மாஸ் ரிப்ளை… போர்க்களமாகும் மத்திய கிழக்கு…!!!

இந்த எச்சரிக்கைக்கு முன்னதாக, ஈரான் தலைநகர் தெஹ்ரானுக்கு மேற்கே கராஜ் நகரில் கட்டுமானத்தில் இருந்த மத்திய கிழக்கின் மிக உயரமான (136 மீட்டர்) மேம்பாலத்தை அமெரிக்கா வான்வழித் தாக்குதல் மூலம் தகர்த்தது. இந்தத் தாக்குதலில் 8 பேர் உயிரிழந்தனர் மற்றும் 80-க்கும் மேற்பட்டோர் காயமடைந்தனர். இந்தச் சம்பவத்தின் வீடியோவை வெளியிட்ட ட்ரம்ப், ஈரான் உடனடியாக உடன்பாட்டிற்கு வரவில்லையெனில் இதுபோன்ற தொடர் தாக்குதல்களைச் சந்திக்க நேரிடும் எனத் தெரிவித்துள்ளார்.

அமெரிக்காவின் இந்த நடவடிக்கைக்கு ஈரானிய வெளியுறவு அமைச்சர் அப்பாஸ் அராக்சி கடும் கண்டனம் தெரிவித்துள்ளார். பொதுமக்களின் கட்டமைப்புகள் மற்றும் முடிக்கப்படாத பாலங்கள் மீது தாக்குதல் நடத்துவது ஈரானியர்களைப் பணிய வைக்காது என்றும், இது அமெரிக்காவின் தார்மீக வீழ்ச்சியையே காட்டுகிறது என்றும் அவர் சாடியுள்ளார். மேலும், அமெரிக்காவின் இந்தத் தாக்குதலுக்கு ‘பதிலுக்குப் பதில்’ அளிக்கும் வகையில் ஈரான் தனது அடுத்தகட்ட நடவடிக்கையை அறிவித்துள்ளது.

மத்திய கிழக்கு பிராந்தியத்தில் அமெரிக்காவிற்கு ஆதரவாகச் செயல்படும் நாடுகளில் உள்ள எட்டு முக்கிய பாலங்களின் பட்டியலை ஈரான் வெளியிட்டு, அவற்றைத் தாக்கப்போவதாக எச்சரித்துள்ளது. இதில் குவைத்தின் கடல் பாலம், ஐக்கிய அரபு அமீரகத்தின் ஷேக் சயத் பாலம், சவுதி-பஹ்ரைன் இடையிலான கிங் ஃபஹத் பாலம் மற்றும் ஜோர்டானில் உள்ள பாலங்கள் இடம் பெற்றுள்ளன. ஈரானின் இந்த அறிவிப்பால் மத்திய கிழக்கு நாடுகளில் பெரும் பதற்றம் நிலவுவதோடு, பாலங்கள் அமைந்துள்ள பகுதிகளில் வான்பாதுகாப்பு பலப்படுத்தப்பட்டுள்ளது.