உறைபனியில் உருகாத வைராக்கியம்…. ஒற்றைக் காலோடு அமர்நாத் யாத்திரை சென்ற பெண்ணின் வைரல் வீடியோ….!

2021-ஆம் ஆண்டு நடந்த ஒரு சாலை விபத்தில் தனது காலை இழந்த போதிலும், மன உறுதியோடு அமர்நாத் யாத்திரையை வெற்றிகரமாக முடித்து ஒட்டுமொத்த தேசத்திற்கும் உத்வேகமாக மாறியுள்ளார் நேஹா பட் என்ற பெண்மணி. இமயமலையில் அமைந்துள்ள புகழ்பெற்ற அமர்நாத் குகைக் கோயிலுக்குச் செல்வது என்பது கடுமையான குளிர், செங்குத்தான மலைப்பாதைகள் மற்றும் ஆக்சிஜன் குறைபாடு காரணமாக மிகவும் சவாலான ஒரு யாத்திரையாகக் கருதப்படுகிறது. அத்தகைய கடினமான பயணத்தை, மாற்றுத்திறனாளியான நேஹா பட் தனது செயற்கைக் காலின் உதவியுடன் எதிர்கொண்டு சாதித்துக் காட்டியுள்ளார்.

அமர்நாத் யாத்திரையிலேயே மிகவும் செங்குத்தான மற்றும் கரடுமுரடான பாதையாக அறியப்படும் பால்டால் வழித்தடத்தை நேஹா பட் தனது பயணத்திற்காகத் தேர்ந்தெடுத்தார். ஒரு செயற்கைக் கால், கையில் ஒரு ஊன்றுகோல் மற்றும் ஒரு மரக் குச்சி ஆகியவற்றின் உதவியுடன், ஒவ்வொரு அடியையும் அவர் நிதானமாகவும் கவனமாகவும் எடுத்து வைக்கும் வீடியோ சமூக வலைத்தளங்களில் வேகமாகப் பரவி வருகிறது. கடுமையான மலைப்பாங்கான தரைப்பகுதி, உறைபனி மற்றும் மிக அதிக உயரமான சூழல் எனப் பல தடைகள் இருந்தபோதிலும், சற்றும் மனம் தளராமல் முகத்தில் புன்னகையோடு அவர் மலையேறும் காட்சி காண்போரைக் நெகிழச் செய்துள்ளது.

https://www.instagram.com/reel/Dagpgi4TVjS/?utm_source=ig_web_button_share_sheet

இந்தப் சவாலான பயணத்தின் போது, நேஹாவின் தம்பி அவருக்குப் பக்கபலமாக இருந்து வழிநெடுகிலும் உதவியுள்ளார். தனது தம்பியின் இந்த அன்பான ஆதரவிற்கு நன்றி தெரிவித்து நேஹா பட் சமூக வலைத்தளத்தில் பதிவிட்டிருந்தார். தடைகளைத் தகர்த்தெறியும் நேஹாவின் அசாத்திய துணிச்சலையும், அவருக்கு உறுதுணையாக நின்ற தம்பியின் பாசத்தையும் பாராட்டி, பல்லாயிரக்கணக்கான மக்கள் இணையத்தில் தங்களது வாழ்த்துகளையும் வியப்பையும் பகிர்ந்து வருகின்றனர்.