“வெறும் வெற்றிலை பாக்கில் நடந்த திருமணம்”… ஒற்றை வார்த்தையில் கோபிநாத்தை வியக்க வைத்த பெண்… ஆடிப்போன நீயா நானா அரங்கம்…!

விஜய் டிவியில் ஒளிபரப்பாக கூடிய மிகவும் பிரபலமான நிகழ்ச்சிகளில் ஒன்று தான் நீயா நானா. பல வருடங்களாக ஒளிபரப்பாகிக் கொண்டிருக்கும் இந்த நிகழ்ச்சியை ஆரம்பத்தில் இருந்து கோபிநாத் தொகுத்து வழங்கி வருகின்றார். மற்ற நிகழ்ச்சிகளுடன் ஒப்பிடும்போது இந்த நிகழ்ச்சிக்கு ஏராளமான ரசிகர்கள் உள்ளனர். ஒவ்வொரு வாரமும் இந்த நிகழ்ச்சியில் புதிதாக ஏதாவது ஒரு தலைப்பு கொண்டே விவாதம் நடைபெறும். இப்படியான நிலையில் இந்த வாரம் ஒளிபரப்பாக இருக்கும் நீயா நானா நிகழ்ச்சியின் ப்ரோமோ வெளியாகி ரசிகர்களின் கவனத்தை ஈர்த்துள்ளது.

அதாவது இந்த வாரம் வித விதமாக புதுமையாக பத்திரிக்கை அடித்தவர்கள் மற்றும் மரபான பத்திரிகைகள் தான் சரி என சொல்பவர்கள் என்ற தலைப்பில் விவாதம் நடந்துள்ளது. இன்றைய காலத்தில் மாடர்ன் என்று பலரும் புதுமையான பழக்கத்தை கடைப்பிடிப்பதுடன் அதனை செயல்படுத்தவும் செய்கிறார்கள். இதனால் பழைய மரபுகள் மறைந்துவிடும் நிலை ஏற்பட்டுள்ளது. இந்நிலையில் இந்த வார நீயா நானா விவாதத்தில் திருமண பத்திரிக்கை குறித்து விவாதம் நடைபெற்றுள்ளது.

இதில் பழைய மரபுகளை மறந்து புதுமையான வழக்கத்தில் பத்திரிக்கை அடிப்பவர்கள் தங்களுடைய பக்கத்தில் உள்ள நியாயத்தை கூறுகின்றன. ஆனால் பழைய மரபு பத்திரிக்கையை விரும்புபவர்கள் சொந்தங்களை மறந்து விடுகின்றனர் என்று வேதனை தெரிவித்துள்ளனர்.

அதில் பெண் ஒருவர், வெறும் வெற்றிலை பாக்கு மட்டுமே வைத்து திருமண அழைப்பினை அழைத்த காலம் உள்ளது என்று கூறி கோபிநாத்தை வியப்பில் ஆழ்த்தினார். அது தொடர்பான ப்ரோமோ தற்போது இணையத்தில் வைரலாகி வருகிறது.