ஒத்த பட்டுப்புடவையை காட்டி விசா வாங்கிய பெண்… அதிர்ச்சியில் உறைந்த கோபிநாத்… நீயா நானா அரங்கத்தையே அதிர வைத்த உண்மை…!

விஜய் டிவியில் ஒளிபரப்பாக கூடிய மிகவும் பிரபலமான நிகழ்ச்சிகளில் ஒன்று தான் நீயா நானா. பல வருடங்களாக ஒளிபரப்பாகிக் கொண்டிருக்கும் இந்த நிகழ்ச்சியை ஆரம்பத்தில் இருந்து கோபிநாத் தொகுத்து வழங்கி வருகின்றார். மற்ற நிகழ்ச்சிகளுடன் ஒப்பிடும்போது இந்த நிகழ்ச்சிக்கு ஏராளமான ரசிகர்கள் உள்ளனர். ஒவ்வொரு வாரமும் இந்த நிகழ்ச்சியில் புதிதாக ஏதாவது ஒரு தலைப்பு கொண்டே விவாதம் நடைபெறும். இப்படியான நிலையில் இந்த வாரம் ஒளிபரப்பாக இருக்கும் நீயா நானா நிகழ்ச்சியின் ப்ரோமோ வெளியாகி ரசிகர்களின் கவனத்தை ஈர்த்துள்ளது.

அதாவது இந்த வாரம் பட்டுப்புடவையை விரும்பும் பெண்கள் மற்றும் பட்டுப் புடவையை விரும்பாத இளம் பெண்கள் என்ற தலைப்பில் விவாதம் நடைபெற்றுள்ளது. இதில் பெண் ஒருவர் தனக்கு பட்டுப்புடவை பார்த்து வாங்குவது சிரமம் எனவும் மற்றொருவர் பட்டுப் புடவை கட்டி என்னால் நடக்க முடியாது எனவும் கூறுகிறார். இதற்கு எதிராக இருந்த பெண் ஒருவர் தான் விசா வாங்குவதற்கு பாஸ்போர்ட் அலுவலகத்திற்கு அதிக பயத்துடன் சென்றதாக கூறுகின்றார்.

தான் மிக அழகாக பட்டுப் புடவை கட்டிக் கொண்டு சென்ற நிலையில் அங்கு கேள்வி எதுவும் கேட்கவில்லை, என் புடவையை பார்த்து அழகாக இருப்பதாக மட்டுமே கூறினார்கள் என்று அந்தப் பெண் தெரிவித்துள்ளார். இதனைக் கேட்ட கோபிநாத் உடனே அமெரிக்கா விசா வாங்குவது எப்படி என்ற கேள்வியுடன் அந்த பெண்ணின் செயலை விவரித்துள்ளார். தற்போது அது தொடர்பான ப்ரோமோ இணையத்தில் வைரலாகி வருகிறது.