30 நிமிட போராட்டம்…! 1.5 வயது குழந்தையின் உணவுக் குழாயில் சிக்கிய ஊசி… எக்ஸ்ரே பார்த்து மிரண்ட டாக்டர்கள்…. அடுத்து நடந்த பரபரப்பு சம்பவம்…!!

குஜராத் மாநிலம் சூரத்தில் விளையாடிக் கொண்டிருந்த 1.5 வயதுக் குழந்தை ஒன்று, தரையில் கிடந்த சுமார் 2 சென்டிமீட்டர் நீளமுள்ள திறந்த நிலை சேஃப்டி பின்னை எதிர்பாராதவிதமாக விழுங்கியுள்ளது. அந்த ஊசி குழந்தையின் உணவுக் குழாயில் சிக்கியதை அடுத்து, குழந்தைக்குத் தொடர்ச்சியாக வாந்தி மற்றும் அசௌகரியம் ஏற்பட்டுள்ளது. இதனால் அதிர்ச்சியடைந்த பெற்றோர்கள் உடனடியாகக் குழந்தையை அரசு மருத்துவமனைக்கு அழைத்துச் சென்றனர்.

அங்கு எக்ஸ்-ரே எடுத்துப் பார்த்த மருத்துவர்கள், எந்தவிதப் பெரிய அறுவை சிகிச்சையும் இன்றி ‘என்டோஸ்கோபி’ மற்றும் ‘போர்செப்ஸ்’ உபகரணங்களைப் பயன்படுத்தி வெறும் 30 முதல் 40 நிமிடங்களுக்குள் ஊசியை வெளியிலெடுத்துக் குழந்தையின் உயிரைக் காப்பாற்றினர். சரியான நேரத்தில் மருத்துவமனைக்கு அழைத்து வந்ததால் குழந்தையின் உயிர் காப்பாற்றப்பட்டுள்ளது. சிறிய மற்றும் கூர்மையான பொருட்களை எப்போதும் குழந்தைகள் தொட முடியாத உயரத்தில் வைக்க வேண்டும் என்பதற்கு இச்சம்பவம் ஒரு எச்சரிக்கையாக அமைந்துள்ளது.