பிரதீப் ரங்கநாதனுடன் ஜோடி சேரும் நயன்தாரா.. அதுவும் இப்படி ஒரு கதாபாத்திரமா?.. விக்னேஷ் சிவன் பிளான் வொர்கவுட் ஆகுமா..?

தமிழ் சினிமாவில் லேடி சூப்பர் ஸ்டாராக திகழ்ந்து கொண்டிருப்பவர் தான் நடிகை நயன்தாரா. இவர் தமிழில் ஐயா திரைப்படத்தின் மூலம் ஹீரோயினியாக அறிமுகமான நிலையில் அதன் பிறகு சந்திரமுகி திரைப்படம் மூலம் பிரபலமானார். அதனைத் தொடர்ந்து இவர் நடித்த பல திரைப்படங்களும் ரசிகர்கள் மத்தியில் நல்ல வரவேற்பை கொடுத்த நிலையில் ஏராளமான ரசிகர்கள் மத்தியில் தனக்கென ஒரு இடத்தை பிடித்துள்ளார். குறிப்பாக நானும் ரவுடிதான் என்ற திரைப்படத்தில் காது கேளாத பெண்ணாக சிறப்பாக நடித்திருப்பார்.

அந்த திரைப்படத்தின் இயக்குனர் விக்னேஷ் சிவனை காதலித்து திருமணம் செய்து கொண்டார். அதன் பிறகு வாடகை தாய் மூலமாக இரட்டை ஆண் குழந்தைகளை பெற்றுக் கொண்டார். சமீபத்தில் இவர் ஜவான் திரைப்படத்தில் நடித்திருந்த நிலையில் ரசிகர்கள் மத்தியில் நல்ல வரவேற்பு கிடைத்தது. இறுதியாக இவரது நடிப்பில் அன்னபூரணி திரைப்படம் வெளியாகி வெற்றிகரமாக ஓடிக்கொண்டிருக்கிறது.

இந்த நிலையில் விக்னேஷ் சிவன் இயக்கத்தில் லவ் டுடே புகழ் பிரதீப் ரங்கநாதன் நடிக்கும் LIC லவ் இன்சூரன்ஸ் கம்பெனி என்ற டைட்டில் வைக்கப்பட்டுள்ள திரைப்படத்தில் நயன்தாரா பிரதீப் ரங்கநாதனுக்கு அக்காவாக நடிக்க கமிட்டாகியுள்ளார். இந்த படத்தை அறுபது கோடி பட்ஜெட்டில் லலித்குமார் தயாரிக்க உள்ளதாக கூறப்படுகிறது. இதில் அக்காவாக நடிக்க போகும் நயன்தாராவின் கதாபாத்திரத்திற்கு ரசிகர்கள் மத்தியில் மிகுந்த எதிர்பார்ப்பு இருந்துள்ளது.