“பேசித் தீர்த்துக்கலாம் வா”…. நைஸாக வரவழைத்து கள்ளக்காதலனுடன் சேர்ந்து கணவனுக்கு மனைவி போட்ட ஸ்கெட்ச்… காலடியில் வீசி துடிதுடிக்க கொன்ற கொடூரம்….!

நாக்பூரில் கள்ளக்காதல் விவகாரத்தில் தனது கணவரைக் கொன்றுவிட்டு தலைமறைவாக இருந்த மனைவியை, தானே குற்றப்பிரிவு போலீசார் கைது செய்துள்ளனர். அஜ்னி பகுதியைச் சேர்ந்த 27 வயதான ஆட்டோ ஓட்டுநர் கௌரவ் ரக்டே என்பவர் ஆகஸ்ட் 20 ஆம் தேதி படுகொலை செய்யப்பட்டார். இந்தச் சம்பவத்தில் தலைமறைவாக இருந்த அவரது மனைவி தீபாலி (என்ற பாலி விஜய் சலுங்கே) கைது செய்யப்பட்டு, நாக்பூர் காவல்துறையிடம் ஒப்படைக்கப்பட்டுள்ளார்.

கௌரவ் ரக்டேவுக்கும் தீபாலிக்கும் இடையே எட்டு மாதங்களுக்கு முன்பு தான் கலப்புத் திருமணம் நடைபெற்றுள்ளது. திருமணமான சில மாதங்களிலேயே தீபாலிக்கு ரிஷிகேஷ் கோடே என்பவருடன் திருமணத்தை மீறிய உறவு ஏற்பட்டுள்ளது. இதையறிந்த கணவன்-மனைவி இடையே அடிக்கடி மோதல் வெடித்துள்ளது. இதனால் தீபாலி கணவரை விட்டுப் பிரிந்து தனியாக வசிக்கத் தொடங்கிய போதிலும், தொலைபேசி மற்றும் நேரில் சந்தித்துச் சண்டையிட்டு வந்துள்ளனர்.

சம்பவத்தன்று (ஆகஸ்ட் 20) மதியம், கள்ளக்காதல் தகராறைத் தீர்ப்பதற்காக மனைவியையும் கோடேவையும் சந்திக்க நரேந்திர நகர் செல்வதாகத் தனது தந்தையிடம் ரக்டே கூறிவிட்டுச் சென்றுள்ளார். அங்குச் சென்றபோது, கோடே தனது கூட்டாளிகளுடன் சேர்ந்து சுந்தர்பன் லேஅவுட் பகுதியில் மது அருந்திக் கொண்டிருந்ததாகக் கூறப்படுகிறது. மாலை 5 மணியளவில் இருதரப்பினருக்கும் இடையே ஏற்பட்ட வாக்குவாதம் பயங்கர மோதலாக மாறியது.

பாதிக்கப்பட்டவரின் தந்தை அளித்துள்ள புகாரில், தீபாலியின் தூண்டுதலின் பேரில் நரேந்திர நகர் வடிகால் பாலம் அருகே கோடேவும் அவரது கூட்டாளிகளும் சேர்ந்து கௌரவ் ரக்டேவைக் கத்தியால் குத்தியதாகத் தெரிவித்துள்ளார். படுகாயமடைந்த ரக்டேவை மீட்டுக் சிகிச்சைக்காக அருகில் உள்ள மருத்துவமனையில் சேர்த்த போதிலும், அவர் சிகிச்சை பலனின்றி பரிதாபமாக உயிரிழந்தார். இச்சம்பவத்திற்குப் பிறகு தீபாலி அங்கிருந்து தப்பி ஓடி தலைமறைவானார்.

கொலைக்குப் பிறகு தப்பியோடிய தீபாலியைத் தேடும் பணியை முடுக்கிவிட்ட காவல்துறையினர், தானேவில் வைத்து அவரைக் கைது செய்தனர். இக்கொலை வழக்கின் பின்னணியில் உள்ள முழுமையான காரணங்கள் மற்றும் இதில் தீபாலியின் நேரடி பங்கு என்ன என்பது குறித்தும், கொலைக்குப் பயன்படுத்திய ஆயுதங்கள் மற்றும் கூட்டாளிகள் குறித்தும் நாக்பூர் போலீசார் தொடர்ந்து தீவிர விசாரணை நடத்தி வருகின்றனர்.