“போட்டோ தான் வந்தது… எந்த தகவலும் வரல…” இந்திய கப்பல் சமையலருக்கு நேர்ந்த கொடூரம்… கதறும் குடும்பத்தினர்…. வைரல் வீடியோ…!!

சர்வதேசக் கடற்பகுதியில் பயணித்துக் கொண்டிருந்த ‘எம்.டி ஹானர் 25’ என்ற வணிகக் கப்பலில் சமையல்காரராகப் பணிபுரிந்து வந்த இந்தியச் சமையல்கலைஞர் முகமது தன்வீருஸ் ஜமான் மர்மமான முறையில் உயிரிழந்த சம்பவம், அவரது குடும்பத்தினரையும் இந்தியக் கடல்சார் சமூகத்தையும் பெரும் அதிர்ச்சியிலும் சோகத்திலும் ஆழ்த்தியுள்ளது.

கப்பலிலிருந்து தன்வீருஸ் ஜமானின் கொடூரமான நிலையிலான புகைப்படங்கள் மற்றும் காணொளிகள் அவரது குடும்பத்தினருக்கு வந்தடைந்துள்ளன. ஆனால், இச்சம்பவம் குறித்து இந்திய வெளியுறவுத் துறை அமைச்சகமோ அல்லது சம்பந்தப்பட்ட கப்பல் நிர்வாகமோ இதுவரை எவ்வித அதிகாரப்பூர்வத் தகவலையும் குடும்பத்தினருக்கு வழங்கவில்லை என்று கூறப்படுகிறது. இதனால் என்ன செய்வதென்று தெரியாமல் அவரது குடும்பத்தினர் நடுக்கடலில் தவிப்பது போல் பெரும் மன உளைச்சலுக்கு ஆளாகியுள்ளனர்.

https://twitter.com/FSUIINDIA/status/2105201945472287033

இச்சம்பவம் குறித்துத் தகவல் அறிந்த இந்திய மாலுமிகள் சங்கம், இந்திய வெளியுறவுத் துறை அமைச்சகம், கென்யாவில் உள்ள இந்தியத் தூதரகம் மற்றும் சர்வதேசக் கடல்சார் அமைப்புகளுக்கு அவசரக் கோரிக்கை விடுத்துள்ளது. தன்வீருஸ் ஜமானின் உடலைப் பாதுகாப்பாக மீட்டு, உடனடியாக அவரது சொந்த ஊருக்குக் கொண்டு வர நடவடிக்கை எடுக்க வேண்டும் என்றும், அவரது குடும்பத்தினருக்கு முறையான தகவல்களை வழங்கி உதவ வேண்டும் என்றும் வெளியுறவுத் துறை அமைச்சர் ஜெய்சங்கரை வலியுறுத்திச் சமூக வலைதளங்களில் பதிவிட்டுள்ளனர்.