பிரதமர் மோடியின் வீட்டில் தங்கி படித்த இஸ்லாமிய நண்பர்… தனது சொந்த பிள்ளை போல பார்த்துக்கொண்ட தாய்… நெகிழவைக்கும் அழகிய நட்பு…!!

பிரதமர் நரேந்திர மோடி 2022ஆம் வருடம் தன்னுடைய தாயார் ஹீராபென் பற்றிய பதிவில் என்னுடைய வீட்டில் வளர்ந்த அப்பாஸ் மற்றும் தன்னுடைய குழந்தை பருவம் நினைவுகளை பதிவிட்டுள்ளார். அப்போதுதான் அப்பாஸ் குறித்த தகவல் வெளியாகி நெகிழ்ச்சியை ஏற்படுத்தியுள்ளது. பிரதமர் மோடியின் எளிமையான குடும்பம் குஜராத் மாநிலத்தில் உள்ள வாட் நகரில் வசித்து வந்தது. பிரதமர் மோடியின் தந்தை தாமோதர் தாசின் நண்பர் மியான் பாய். இவருடைய மகன் அப்பாஸ். மியான் பாய் திடீரென்று மரணம் அடைந்ததால் அவருடைய குடும்பம் ஏழ்மை நிலைக்கு தள்ளப்பட்டுள்ளது. இதனால் அவருடைய மகன் அப்பாஸின் படிப்பு பாதிக்கப்படக்கூடாது என்பதற்காக பிரதமர் மோடியின் தந்தை தன்னுடைய வீட்டிற்கு அழைத்து வந்து படிக்க வைத்துள்ளார்.

அப்பாஸ் பிரதமர் மோடி இருவரும் நட்போடு பழகி வந்துள்ளார்கள். ஆண்டுதோறும் ரம்ஜான் உள்ளிட்ட இஸ்லாம் பண்டிகையின் போது பிரதமர் மோடியின் தாயார் அப்பாஸுக்கு பிடித்த உணவுகளை சமைத்து கொடுத்துள்ளார். அப்பாஸும் மோடியின் சகோதரரும் ஒன்றாக படித்து ஒன்றாக அரசு வேலையில் சேர்ந்துள்ளார்கள். 2022 ஆம் வருடம் அப்பாஸ் ஓய்வு பணி பெற்றார். தற்போது ஆஸ்திரேலியாவில் அவருடைய மூத்த மகனுடன் வசித்து வருகிறார். பிறந்த மோடியின் தாயார் சொந்த பிள்ளையை போல என்னிடம் பாசமாக இருப்பார் என்று அப்பாஸ் தெரிவித்துள்ளார்.