கொழுந்தன் திருமணத்தால் பொறாமை.. தோட்டத்திற்கு வரவழைத்து அண்ணி செய்த கொடூரம்.. ஒரு தவறால் சிக்கியது எப்படி..?

ஆக்ரா மாவட்டம் ஏத்மாத்பூர் பகுதியில், சுனில் என்ற இளைஞர் கடந்த சில நாட்களுக்கு முன்பு மர்மமான முறையில் உயிரிழந்தார். அவரது உடல் விளைநிலம் ஒன்றில் கண்டெடுக்கப்பட்டது. இது விபத்து அல்லது தற்கொலை என்று முதலில் கருதப்பட்டாலும், காவல்துறையினரின் தீவிர விசாரணையில் இது திட்டமிட்ட கொலை என்பது தெரியவந்தது. சுனிலின் சொந்த அண்ணி (அண்ணன் மனைவி) பிரியங்கா என்பவரே இந்த கொடூரக் கொலையைச் செய்தவர் என்று கண்டறியப்பட்டது.

கொலைக்கான காரணம் குறித்துப் போலீஸார் கூறுகையில், சுனிலுக்கும் அவரது அண்ணி பிரியங்காவிற்கும் இடையே தவறான உறவு இருந்து வந்துள்ளது. சமீபத்தில் சுனிலுக்கு வேறு ஒரு பெண்ணுடன் திருமணம் நிச்சயிக்கப்பட்டது. தனது கள்ளக்காதலன் வேறொரு பெண்ணைத் திருமணம் செய்வதை பிரியங்காவால் பொறுத்துக்கொள்ள முடியவில்லை. சுனில் திருமணத்திற்குப் பிறகு தன்னை விட்டுப் பிரிந்துவிடுவார் என்ற பொறாமையிலும் ஆத்திரத்திலும், அவரைத் தனியாக விளைநிலத்திற்கு வரவழைத்துப் பிரியங்கா கொலை செய்துள்ளார்.

சுனிலைக் கொன்ற பிறகு, எவ்விதச் சந்தேகமும் வராதவாறு பிரியங்கா வீட்டில் அழுது நாடகமாடியுள்ளார். ஆனால், சுனிலின் மொபைல் போன் அழைப்புகளை ஆய்வு செய்தபோது, கடைசியாக அவர் பிரியங்காவுடன் பேசியது உறுதியானது. காவல்துறையினர் தனது பாணியில் விசாரித்தபோது, பிரியங்கா குற்றத்தை ஒப்புக்கொண்டார். திருமண மண்டபம் ஏற வேண்டிய இளைஞர், அண்ணியின் பொறாமையால் பிணவறைக்குச் சென்றது அந்த கிராமத்தையே உலுக்கியுள்ளது.