படத்துல வர்ற மாதிரி கேரக்டர் நான் இல்ல.. நிஜ வாழ்க்கை காதல் குறித்து மனம் திறந்து பேசிய முரளி!

பிரபல நடிகரான முரளி பெங்களூரைச் சேர்ந்தவர். 99 படங்களில் முரளி கதாநாயகனாக நடித்துள்ளார். முதல் முதலில் பூவிலங்கு என்ற திரைப்படம் மூலம் திரையுலகில் தனது பயணத்தை ஆரம்பித்தார். இந்த படம் 1984-ஆம் ஆண்டு ரிலீஸ் ஆனது. மணிரத்னம் இயக்கத்தில் அவர் நடித்த பகல் நிலவு திரைப்படம் அவருக்கு நல்ல பெயரைத் தந்தது. அதன் பிறகு முரளி நடித்த புது வசந்தம், இதயம் கடல் பூக்கள் ஆகிய படங்கள் சூப்பர் ஹிட் ஆனது.

கடல் பூக்கள் திரைப்படத்தில் நடித்ததற்காக முரளிக்கு தமிழக அரசின் சிறந்த நடிகர் விருது வழங்கப்பட்டது. முரளி முன்னணி நடிகர்களான சிவாஜி கணேசன், விஜயகாந்த், பிரபு, சத்யராஜ், பிரபுதேவா, கார்த்திக், பார்த்திபன், சரத்குமார் ஆகியோருடன் இணைந்து நடித்துள்ளார். மேலும் முன்னணி நடிகைகளான மீனா, ரோஜா, சிம்ரன், தேவயானி, லைலா, ரம்பா உள்ளிட்டோருடன் இணைந்து நடித்துள்ளார். எதிர்பாராத விதமாக முரளி 2010 ஆம் ஆண்டு இயற்கை எய்தினார்.

தற்போது முரளியின் வாரிசுகளான அதர்வா மற்றும் ஆகாஷ் ஆகிய இருவருமே தமிழ் சினிமாவில் நடிகர்களாக உள்ளனர். கர்நாடகாவைப் பூர்விகமாகக் கொண்டிருந்தாலும் முரளி அதிகமாக நடித்தது தமிழ் படங்களில்தான். அவரைக் கதாநாயகனாக ஏற்றுக் கொண்டதும் தமிழ்நாட்டு மக்கள்தான்.

முரளி நடித்த பெரும்பாலான வெற்றிப் படங்கள் காதல் படங்கள்தான். அதிலும் அமைதியான பையனான முரளி தன்னுடைய காதலை சொல்ல முடியாமல் தடுமாறுவார். இதயம் போன்ற படங்களில் கடைசி வரை காதலை சொல்லவே மாட்டார். ஆனால் நிஜ வாழ்க்கையில் முரளி அப்படிப்பட்டவர் இல்லையாம்.

தன்னுடைய மனைவியைப் பார்த்த முதல் நாளே அவரிடம் விரும்புவதாக தெரிவித்துவிட்டாராம். அப்படியே அவரின் சம்மதத்தைப் பெற்று திருமணமும் முடித்தாராம்.  இப்படி தன்னை பற்றி முரளி ஒரு நேர்காணலில் கூறியுள்ளார்.