“அவன் தான் வேணும்…” மூத்த மகனின் உதவி… இரட்டை மகன்களை கழுத்தறுத்து கொன்ற தாய்… காதலனுக்காக பெண்ணின் வெறிச்செயல்… நடுங்க வைக்கும் பின்னணி…!!

ராஜஸ்தான் மாநிலம் டீக் மாவட்டம் படேஸ்ரா கிராமத்தில், கள்ளக்காதலுக்கு இடையூறாக இருந்த தனது இரட்டைக் குழந்தைகளைக் கழுத்தறுத்துக் கொன்ற தாயும், அதற்கு உதவியாக இருந்த அவரது மூத்த மகனும் மற்றும் காதலனும் காவல்துறையினரால் அதிரடியாகக் கைது செய்யப்பட்டுள்ளனர்.

கணவனை இழந்த ப்ரீதி சௌதரி என்பவருக்கு 3 மகன்களும் ஒரு மகளும் உள்ள நிலையில், அருகில் வசிக்கும் நபர் ஒருவருடன் அவருக்குக் கள்ளக்காதல் ஏற்பட்டுள்ளது. இவர்களின் உறவுக்கு இரட்டைக் குழந்தைகளான வினய் மற்றும் விஷ்ணு எதிர்ப்புத் தெரிவித்துள்ளனர். காதலன் குழந்தைகளை ஏற்க மறுத்ததால், உறவுக்காகத் தன் சொந்த இரட்டைக் குழந்தைகளையே தூங்கும்போது கள்ளக்காதலனுடன் சேர்ந்து ப்ரீதி கழுத்தறுத்துக் கொன்றுள்ளார்.

மேலும் இந்தத் கொடூரச் செயலுக்கு அவரது 16 வயது மூத்த மகனும் உடந்தையாக இருந்துள்ளான். தகவல் அறிந்து 6 மணி நேரத்திற்குள் வழக்குப் பதிவு செய்து விசாரித்த காவல்துறையினர், தாய், மூத்த மகன் மற்றும் காதலன் ஆகிய மூவரையும் கைது செய்து சிறையில் அடைத்தனர்.