“ரொம்ப தொல்லையா இருக்கு…” கள்ளக்காதலனுடன் செல்போனில் அரட்டை… 3 வயது மகனை கொன்ற தாய்…. இறுதிச்சடங்கிற்குப் பின் வெளிவந்த கொடூரம்…!!

உத்தரப் பிரதேச மாநிலம் மதுரா மாவட்டத்தில், 3 வயதான பிஞ்சு குழந்தை ஒன்று தனது பெற்ற தாயாலேயே கழுத்து நெரித்துக் கொலை செய்யப்பட்ட அதிர்ச்சி சம்பவம் அரங்கேறியுள்ளது. அந்தப் பெண் தனது கள்ளக்காதலனுடன் தொலைபேசியில் பேசிக் கொண்டிருந்த போது, குழந்தை சத்தம் போட்டு இடையூறு செய்ததால் ஆத்திரமடைந்து இக்கொடூரச் செயலில் ஈடுபட்டதாகக் கூறப்படுகிறது. ஆரம்பத்தில் குழந்தையின் இறுதிச்சடங்குகள் முடிவடைந்த நிலையில், அதன் பிறகே தந்தைக்குச் சந்தேகம் ஏற்பட்டுள்ளது.

குழந்தையின் தந்தை அளித்த புகாரின் அடிப்படையில், பல்தேவ் காவல் நிலையப் பகுதியினைச் சேர்ந்த காவல்துறையினர் வழக்குப் பதிவு செய்து தீவிர விசாரணை மேற்கொண்டு வருகின்றனர். தொலைபேசி உரையாடலுக்காகப் பெற்ற குழந்தையையே படுகொலை செய்த தாயும், அவரது கள்ளக்காதலனும் இக்கொலை வழக்கில் குற்றவாளிகளாகச் சேர்க்கப்பட்டுள்ளனர். இச்சம்பவம் அப்பகுதியில் பெரும் பரபரப்பையும் சோகத்தையும் ஏற்படுத்தியுள்ள நிலையில், குற்றவாளிகளுக்குக் கடுமையான தண்டனை வழங்கப்பட வேண்டும் எனப் பலரும் வலியுறுத்தி வருகின்றனர்.