அதிமுகவின் கோட்டை சரிந்தது… கொங்கு மண்டலத்தை கூண்டோடு தட்டி தூக்கிய திமுக… இபிஎஸ்-க்கு செம ஷாக்…!

தமிழகத்தில் 2026 ஆம் ஆண்டு சட்டமன்றத் தேர்தல் நடைபெறுவதற்கு இன்னும் சில மாதங்கள் மட்டுமே உள்ளதால் தற்போது தேர்தல் களம் சூடு பிடிக்க தொடங்கிவிட்டது. ஒரு பக்கம் கூட்டணி பேச்சுவார்த்தை மறுபக்கம் தேர்தல் பிரச்சாரம் என அனைத்து கட்சியினரும் தீவிர தேர்தல் பணியில் ஈடுபட்டு வருகின்றனர். இதனிடையே தனது கூட்டணியை பலமாக வைத்திருக்கும் திமுக இந்த முறையும் தங்கள் ஆட்சியை தமிழகத்தில் தக்க வைத்து விடலாம் என்ற நிலைப்பாட்டில் செயல்பட்டு வருகிறது. அதேசமயம் ஓரணியில் தமிழ்நாடு என்ற உறுப்பினர் சேர்க்கையில் மாற்றுக் கட்சியினரை தங்கள் கட்சியில் இணைக்கும் பணியும் தீவிரமாக நடந்து கொண்டிருக்கிறது.

இந்நிலையில் அதிமுக கோட்டையாக இருக்கும் கொங்கு மண்டலத்தில் எப்படியாவது வெற்றி பெற வேண்டும் என்று திமுக திட்டமிட்டுள்ளது. அதன் ஒரு பகுதியாக மாற்றுக் கட்சிகளில் முக்கிய முகமாக இருப்பவர்களை திமுக தங்கள் பக்கம் இழுக்க தொடங்கியுள்ளது. இப்படியான நிலையில் திமுக வடக்கு மாவட்ட செயலாளர் தொண்டாமுத்தூர் ரவி முன்னிலையில் அதிமுகவில் இருந்து விலகி 50க்கும் மேற்பட்டோர் திமுகவில் இணைந்துள்ளனர்.