“மாதக்கணக்கில் மிரட்டியவர்கள், இப்போது கைகட்டி கெஞ்சுறாங்க”…. அமெரிக்காவையே அதிரவைத்த ஈரான்… அதிர்ந்துபோன உலக நாடுகள்…!

ரஷ்ய கச்சா எண்ணெய் விவகாரத்தில் அமெரிக்காவின் நிலைப்பாடு மாறிவருவதை ஈரானிய வெளியுறவு அமைச்சர் சையத் அப்பாஸ் அரக்ச்சி கடுமையாக விமர்சித்துள்ளார். ரஷ்யாவிலிருந்து கச்சா எண்ணெய் இறக்குமதி செய்வதை நிறுத்துமாறு இந்தியாவை பல மாதங்களாக மிரட்டி வந்த அமெரிக்கா, தற்போது ஈரானுடனான மோதலுக்குப் பிறகு, இந்தியா ரஷ்ய எண்ணெயை வாங்குமாறு மறைமுகமாக வலியுறுத்துவதாக அவர் எக்ஸ் சமூக வலைதளத்தில் கிண்டல் செய்துள்ளார்.

அமெரிக்காவின் இந்த இரட்டை நிலைப்பாட்டை சுட்டிக்காட்டிய அரக்ச்சி, ஈரானுக்கு எதிரான நடவடிக்கைகளை ஆதரித்த ஐரோப்பிய நாடுகளையும் கடுமையாக சாடியுள்ளார். ஈரானுக்கு எதிரான போரை ஆதரித்தால் ரஷ்யாவிற்கு எதிரான விஷயங்களில் அமெரிக்காவின் ஆதரவு கிடைக்கும் என்று ஐரோப்பா தவறாக கணக்கிட்டுவிட்டதாக அவர் குறிப்பிட்டுள்ளார். அமெரிக்காவின் இத்தகைய செயல்பாடுகளை அவர் “பரிதாபகரமானது” என்று விமர்சித்துள்ளார்.

மறுபுறம், இந்தியா ரஷ்யாவிலிருந்து தொடர்ந்து எண்ணெய் இறக்குமதி செய்வது தவிர்க்க முடியாத ஒன்றாக மாறியுள்ளது என்பதை அமெரிக்க கருவூல செயலாளர் ஸ்காட் பெசென்ட் ஏற்றுக்கொண்டுள்ளார். மேற்கு ஆசிய பிராந்தியத்தில் ஏற்பட்டுள்ள மோதல்களால் எரிசக்தி விநியோகத்தில் சிக்கல் ஏற்பட்டுள்ளதால், இந்திய சுத்திகரிப்பு நிலையங்களுக்கு 30 நாட்கள் தற்காலிக விலக்கு அளிக்கப்பட்டுள்ளதாக அவர் தெரிவித்துள்ளார். ஏற்கனவே கடலில் போக்குவரத்தில் இருந்த ரஷ்ய கச்சா எண்ணெய் இந்தியாவிற்கு விரைவான தீர்வாக அமையும் என்பதாலேயே இந்த முடிவு எடுக்கப்பட்டதாக அவர் விளக்கம் அளித்துள்ளார்.

இதனிடையே, மத்திய கிழக்கு பிராந்தியத்தில் பதற்றமான சூழல் நிலவினாலும், இந்தியக் கொடியுடன் கூடிய எல்பிஜி டேங்கர் லாரிகள் ஹார்முஸ் ஜலசந்தி வழியாகச் செல்ல ஈரான் அனுமதி அளித்துள்ளது. மேலும், சவுதி அரேபிய எண்ணெயை ஏற்றி வரும் மற்றொரு டேங்கரும் இந்தியா வந்தடைய உள்ளதாகத் தகவல்கள் வெளியாகியுள்ளன. சர்வதேச அரசியலில் ஏற்பட்டுள்ள இந்த மாற்றங்கள், எரிசக்தி சந்தையில் நாடுகளின் முன்னுரிமைகள் எவ்வாறு மாறுகின்றன என்பதைத் தெளிவாகக் காட்டுகின்றன.