அடச்சீ… நீயெல்லாம் மனுஷனா… மனைவியுடன் சண்டை… 5 வயது மகனை அடித்து கொன்ற அரக்கன்… நெஞ்சை பதறவைக்கும் கொடூரம்…!

நொய்டா செக்டார் 66-ல் உள்ள மமுரா பகுதியில், தனது 5 வயது மகனான ஆகாஷை அடித்துக் கொன்ற குற்றச்சாட்டின் பேரில் விகாஷ் குமார் (30) என்ற நபர் ஞாயிற்றுக்கிழமை போலீசாரால் காவலில் வைக்கப்பட்டார். பிரிந்து வாழும் தனது மனைவியுடன் சனிக்கிழமையன்று ஏற்பட்ட வாக்குவாதத்தின் போது, ஆத்திரமடைந்த விகாஷ் தனது மகனை ஓங்கி குத்தியதில் அந்த சிறுவன் பரிதாபமாக உயிரிழந்தான்.

இந்த சம்பவம் குறித்து குழந்தையின் தாய் பூஜா, மாலை சுமார் 5.30 மணியளவில் 112 என்ற காவல் உதவி எண்ணுக்குத் தொடர்பு கொண்டு தகவல் அளித்ததாக ஃபேஸ் 3 காவல் நிலைய அதிகாரி சுபாஷ் சந்திரா தெரிவித்தார். பூஜாவின் புகாரின் அடிப்படையில், விகாஷ் மீது கொலைக்குச் சமமில்லாத மரணத்தை விளைவித்தல் என்ற பிரிவின் கீழ் முதல் தகவல் அறிக்கை பதிவு செய்யப்பட்டு விசாரணை நடைபெற்று வருகிறது.

ஒரு தனியார் நிறுவனத்தில் துப்புரவுப் பிரிவில் பணிபுரியும் விகாஷுக்கும் அவரது மனைவிக்கும் ஏழு குழந்தைகள் உள்ள நிலையில், இருவரும் தனித்தனியாக வாழ்ந்து வந்தனர். சம்பவத்தன்று மனைவியின் அறைக்கு விகாஷ் சென்றபோது இருவருக்கும் இடையே தகராறு ஏற்பட்டுள்ளது; அப்போது கோபத்தில் ஐந்தாவது குழந்தையான ஆகாஷின் முதுகில் விகாஷ் பலமாக குத்தியுள்ளார். இதனால் மயங்கி விழுந்த குழந்தையை உடனடியாக மருத்துவமனைக்குக் கொண்டு சென்றபோது அவன் ஏற்கனவே இறந்துவிட்டதாக மருத்துவர்கள் அறிவித்தனர். பிரேதப் பரிசோதனை அறிக்கை வந்த பின்னரே மரணத்திற்கான முழுமையான காரணம் உறுதி செய்யப்படும் என போலீசார் தெரிவித்துள்ளனர்.