“கர்ப்பமாக்கினால் 25 லட்சம்…” புதுச்சேரியில் விடுதி மேலாளரை வளைத்த ஆபாச மோசடி…. பகீர் பின்னணி…!!

புதுச்சேரியில் விடுதி மேலாளர் ஒருவரிடம் நூதன முறையில் லட்சக்கணக்கில் பணம் தருவதாக ஆசை காட்டி மோசடி செய்த கும்பல் குறித்துப் பரபரப்புத் தகவல் வெளியாகியுள்ளது. திருமணமான பெண்களை இயற்கை முறையில் கருத்தரிக்க வைத்தால் 25 லட்சம் ரூபாய் ஊதியம் வழங்கப்படும் என மர்ம நபர் ஒருவர் ஆபாசமாக ஆசை வார்த்தை கூறியுள்ளார். இதனை உண்மை என்று நம்பிய அந்த மேலாளர், முன்பதிவு கட்டணம் என்ற பெயரில் சுமார் 49,500 ரூபாயைத் தாரைவார்த்துள்ளார். பின்னர் மேலும் பணம் தேவைப்பட்டபோது விடுதி உரிமையாளரிடம் உதவி கேட்க, அதன் பின்னரே தான் ஏமாற்றப்பட்டதை அவர் உணர்ந்து அதிர்ச்சியடைந்தார்.

இந்த மோசடி கும்பல் மிகவும் தந்திரமாகப் பேசி பாதிக்கப்பட்டவரின் தயக்கத்தை உடைத்துள்ளது. இது கணவர்களின் சம்மதத்துடனேயே நடப்பதாகவும், சட்டவிரோதமானது அல்ல என்றும் கூறி அவரை மூளைச்சலவை செய்துள்ளனர். இது போன்ற ரகசிய வேலைகள் மற்றும் முன்பணம் தரும் விளம்பரங்களை நம்பி பொதுமக்கள் ஏமாற வேண்டாம் என்று காவல்துறை கடும் எச்சரிக்கை விடுத்துள்ளது. தற்போது பணத்தை இழந்த மேலாளர் அளித்த புகாரின் அடிப்படையில் போலீசார் தீவிர விசாரணை நடத்தி வருகின்றனர். பேராசையால் பணத்தை இழந்து இப்போது அவர் சட்டத்தின் கதவுகளைத் தட்டி நிற்கிறார்.