விஜய் தலைமையிலான தமிழக அரசுக்கு தனிப் பெரும்பான்மை கிடைக்காத நிலையில், திமுக கூட்டணிக் கட்சிகளின் ஆதரவோடு அவர் ஆட்சியை நிரூபித்தார். அப்போது, திரைமறைவு பேச்சுவார்த்தைகள் மூலம் எடப்பாடி பழனிசாமி தலைமையிலான அதிமுகவிலிருந்து எஸ்.பி.வேலுமணி மற்றும் சி.வி.சண்முகம் தலைமையில் 25 எம்எல்ஏக்கள் பிரிந்து வந்து விஜய் அரசுக்கு ஆதரவளித்தனர். இதனால் அதிமுக இரண்டாக உடைந்த நிலையில், கட்சித் தாவல் தடைச் சட்டத்தின் கீழ் அவர்களின் பதவியைப் பறிக்க வேண்டும் என்று சபாநாயகரிடமும் ஆளுநரிடமும் எடப்பாடி பழனிசாமி கோரிக்கை விடுத்துள்ளார்.
அதிமுகவை உடைத்துக்கொண்டு வெளியே வந்தால் தங்களுக்கு அமைச்சரவையில் இடம் வழங்கப்படும் என்ற விஜய்யின் உறுதிமொழியை நம்பியே இந்த 25 எம்எல்ஏக்களும் ஆதரவு அளித்தனர். ஆனால், நேற்று நடந்த தமிழக அமைச்சரவை விரிவாக்கத்தில் எஸ்.பி.வேலுமணி உள்ளிட்ட அதிருப்தி எம்எல்ஏக்கள் யாருக்கும் அமைச்சர் பதவி வழங்கப்படவில்லை. இதனால் 30 ஆண்டுகாலம் தமிழகத்தை ஆண்ட தாய் கட்சியைப் பகைத்துக் கொண்டு வெளியே வந்த அதிமுக எம்எல்ஏக்கள், தற்போது தங்களின் அரசியல் எதிர்காலம் கேள்விக்குறியானதால் பெரும் ஏமாற்றமடைந்துள்ளனர்.
தமிழக அமைச்சரவையின் மொத்த எண்ணிக்கையில் ஏற்கனவே 33 இடங்கள் நிரம்பிவிட்டதால், இனி அதிருப்தி எம்எல்ஏக்களுக்கு அமைச்சர் பதவி கிடைக்க வாய்ப்பில்லை என்றே கூறப்படுகிறது. திருமாவளவன் மற்றும் கம்யூனிஸ்ட் கட்சிகளின் எதிர்ப்பு ஒருபுறமிருக்க, ஊழல் புகாரில் சிக்கியவர்களை அமைச்சரவையில் சேர்த்தால் தவெக அரசுக்குக் கெட்ட பெயர் ஏற்படும் என விஜய் கருதியதே இதற்கு முதன்மைக் காரணம் எனக் கூறப்படுகிறது. மேலும், இவர்களுக்குப் பதவிப்பிரமாணம் செய்து வைக்க ஆளுநர் அர்லேகரும் மறுத்துவிட்டதாகத் தகவல்கள் வெளியாகி, இவர்களின் அமைச்சர் கனவு கானல் நீராக மாறியுள்ளது.
இந்தச் சூழல் எடப்பாடி பழனிசாமி தரப்பினருக்குப் பெரும் உற்சாகத்தைத் தந்துள்ளதுடன், பொதுமக்களின் கேலிக்கும் அதிருப்தி எம்எல்ஏக்கள் ஆளாகியுள்ளனர். தவெக ஆட்சியில் பிரதிபலன் கிடைக்கும் என நம்பி ஏமாந்த நிலையில், தங்களின் அரசியல் வாழ்வைத் தக்கவைத்துக் கொள்ள சில எம்எல்ஏக்கள் மீண்டும் எடப்பாடி பழனிசாமியுடன் இணையத் தூது அனுப்பி வருவதாகக் கூறப்படுகிறது. விஜய் தங்களைக் கைவிட்டுவிட்டதால், வேலுமணி மற்றும் சண்முகம் அணியில் உள்ள எம்எல்ஏக்கள் விரைவில் எடப்பாடி பக்கம் தாவுவது உறுதியாகியுள்ளது, இது அதிமுகவில் அடுத்தடுத்த அரசியல் திருப்பங்களை ஏற்படுத்தும் என எதிர்பார்க்கப்படுகிறது.
தமிழகத்தில் ‘அம்மா மருந்தகங்களில்’ முதலமைச்சர் விஜய்யின் புகைப்படங்களை வைக்க வேண்டும் என்று அதிமுக கொள்கை பரப்பு துணைச் செயலாளர் பாப்புலர்…
கோவை சூலூர் அருகே 10 வயது சிறுமி பாலியல் வன்கொடுமை செய்யப்பட்டு கொடூரமான முறையில் கொலை செய்யப்பட்ட சம்பவம் ஒட்டுமொத்த…
கர்நாடகாவைச் சேர்ந்த இளம் கிரிக்கெட் வீரரான லோகேஷ் அக்ஷய் (39), மைதானத்தில் விளையாடிக் கொண்டிருந்தபோதே திடீரென ஏற்பட்ட மாரடைப்பு காரணமாக…
விசிக கட்சியின் முக்கிய நிர்வாகியும் மேனாள் சட்டமன்ற உறுப்பினருமான ஆளூர் ஷா நவாஸ் திமுகவில் இணையவுள்ளதாக சமூக வலைதளங்களில் ஒரு…
தமிழக வருவாய்த் துறை அமைச்சர் K. A. செங்கோட்டையன் காய்ச்சல், வாந்தி மற்றும் மயக்கம் காரணமாக கோவையில் உள்ள ஒரு…
கச்சா எண்ணெய் விலை தொடர்ந்து அதிகரித்து வருவதால், பெட்ரோல் மற்றும் டீசல் விலையை உயர்த்துவது தவிர்க்க முடியாத ஒன்று என்று…