இனிதான் ஆட்டமே… சாட்டையை கையில் எடுத்த ஸ்டாலின்… மொத்த திமுகவினருக்கும் பறந்த அதிரடி உத்தரவு…!

திமுகவின் மாவட்ட செயலாளர்கள் கூட்டம் என் வாக்குச்சாவடி வெற்றி வாக்குச்சாவடி என்ற தலைப்பில் காணொளி காட்சி மூலமாக இன்று நடைபெற்றது. இந்த கூட்டத்திற்கு தலைமை தாங்கி உரையாற்றிய முதல்வர் ஸ்டாலின், தமிழ்நாட்டு மக்களின் வாக்குரிமையை பாதுகாக்கும் உரிய நோக்கத்துடன் பசி, உறக்கம், குடும்பம் ஆகியவற்றைத் துறந்து SIR பணிகளில் ஈடுபட்ட அனைவருக்கும் மனமார்ந்த பாராட்டுக்கள் மற்றும் வாழ்த்துக்கள். நாம் இவ்வளவு கஷ்டப்பட்டு இருந்தாலும் பாதி கிணறுதான் கடந்துள்ளோம். வெரிஃபிகேஷன் பணிகள் நிறைவடைந்து நம் மக்களின் பெயர்கள் விடுபடாமல் வாக்காளர் பட்டியல் வந்தால்தான் முழு கிணற்றையும் கடந்ததாக கருத முடியும்.

எத்தனை எதிரிகள் வந்தாலும் எத்தனை அணிகள் செயல்பட்டாலும் தமிழ்நாட்டை மீண்டும் ஆளப்போவது உதயசூரியன் தான். உங்களை உற்சாகப்படுத்தும் நோக்கத்தில் நான் இதை கூறவில்லை. இதுதான் உண்மை. நம் திராவிட மாடல் அரசின் திட்டங்கள் மூலமாக தமிழ்நாடு முழுவதும் ஒரு கோடியே 86 லட்சம் மக்கள் நேரடியாக பயனடைந்து வருகிறார்கள். ஒவ்வொரு வீட்டிலும் திராவிட மாடல் அரசின் சாதனைகள் அடங்கிய துண்டறிக்கைகள் வழங்கப்பட வேண்டும். கடுமையாக உழைக்க வேண்டும். நான் இரவிலும் தூங்காமல் உழைத்து வருகிறேன் என்பது உங்களுக்கே நன்றாக தெரியும். அதே அளவிலான உழைப்பை ஒவ்வொருவரிடமிருந்தும் நான் எதிர்பார்க்கிறேன்.

2026 தேர்தல் வெற்றியை நோக்கி திமுகவினர் அனைவரும் பயணிக்க வேண்டும். ஒவ்வொரு பூத் கமிட்டி உறுப்பினரும் வீடு வீடாக செல்வதை உறுதி செய்யுங்கள். வீடு வீடாக சென்று விடுபட்ட வாக்காளர்களின் விவரங்களை முழுமையாக சரி பார்க்க வேண்டும். ஒவ்வொரு வாக்குச்சாவடிகளும் நமது வாக்குகளை உறுதி செய்திருக்க வேண்டும். இதனை மிகத்துல்லியமாக செய்து முடிப்பதை நம்முடைய முக்கியமான வியூகமாக இருக்க வேண்டும் என்று நிர்வாகிகளுக்கு முதல்வர் ஸ்டாலின் உத்தரவிட்டு உள்ளார்.