“மேயர் ப்ரியாவுக்கு எதிராக திரும்பிய அமைச்சர் செங்கோட்டையன்”…. நிவாரணப் பணி விவகாரத்தில் பகிரங்க எச்சரிக்கை…. அரசியலில் வெடிக்கும் அடுத்த பூகம்பம்…!

தமிழகத்தில் வடகிழக்கு பருவமழை தீவிரமடைந்துள்ள நிலையில், சென்னை மற்றும் கோயம்புத்தூர் உள்ளிட்ட பெரும்பாலான மாவட்டங்களில் கனமழை பெய்து வருகிறது. இந்த பேரிடர் காலத்தில் பொதுமக்களுக்கு முழுமையான பாதுகாப்பு வழங்குவதையும், முன்னெச்சரிக்கை மற்றும் நிவாரணப் பணிகளை முடுக்கிவிடுவதையும் முதலமைச்சர் தொடர்ந்து தீவிரமாக கண்காணித்து வருகிறார். வானிலை மையங்களின் எச்சரிக்கையின்படி, கன்னியாகுமரி, தூத்துக்குடி, கோவை, நீலகிரி மற்றும் ராமநாதபுரம் உள்ளிட்ட பகுதிகளிலும் கனமழைக்கான வாய்ப்புகள் இருப்பதால் அரசு நிர்வாகம் முழுவீச்சில் உஷார்படுத்தப்பட்டுள்ளது.

இந்நிலையில், கோவை விமான நிலையத்தில் செய்தியாளர்களைச் சந்தித்த வருவாய்த்துறை அமைச்சர் செங்கோட்டையன், மழைக்கால நிவாரணப் பணிகள் குறித்துப் பேசுகையில், மக்கள் பணி என்பது கட்சி பாகுபாடின்றி அனைத்து இயக்கத்தினரும் செய்யக்கூடிய பொதுவான பணி என்று தெரிவித்தார். இருப்பினும், சென்னையில் தவெக கட்சியினர் மேற்கொள்ளும் நிவாரணப் பணிகளுக்கு சென்னை மாநகராட்சி மேயர் பிரியா தடையாக இருப்பதாக அவர் பகிரங்கமாகக் குற்றம்சாட்டினார். களத்தில் அரசுடன் இணைந்து உதவ வேண்டுமே தவிர, நிவாரணப் பணிகளுக்கு இடையூறாக இருக்கக் கூடாது என்றும் அவர் எச்சரித்தார்.

இதற்கிடையே, தாராபுரம் நாம் தமிழர் கட்சி வேட்பாளர் கார்த்திகா கைது செய்யப்பட்டது குறித்த கேள்விக்கு பதிலளித்த அமைச்சர், முதலமைச்சரின் சுற்றுப்பயணத்தின் போது அனுமதியின்றி நுழைந்தது குறித்து அவர்கள்தான் பதிலளிக்க வேண்டும் என்றார். ஜனநாயக நாட்டில் தேர்தல் களத்தில் அனைவருக்கும் இடமுண்டு என்றாலும், லட்சக்கணக்கான மக்கள் கூடும் இடத்தில் இடையூறு ஏற்படுத்துவது சரியா என்பதற்கு சம்பந்தப்பட்டவர்களே விளக்கம் அளிக்க வேண்டும் என்று குறிப்பிட்டார். மேலும், நடிகர் விஜய்யை எம்ஜிஆர் உடன் ஒப்பிட்டு தம்பி ராமமையா பேசிய விவகாரம் குறித்தும் அவர் கருத்து தெரிவித்தார்.

ஏற்கனவே தவெக எம்எல்ஏக்கள் மேயர் பிரியாவை கடுமையாகக் கண்டித்திருந்த நிலையில், தற்போது அமைச்சர்களும் அவருக்கு எதிராகக் கண்டனக் குரல்களை எழுப்பத் தொடங்கியுள்ளனர். வடகிழக்கு பருவமழை தீவிரமடைந்துள்ள இத்தகைய சூழலில், நிவாரணப் பணிகள் மற்றும் எதிர்க்கட்சிகளின் பங்களிப்பு விவகாரத்தில் மேயர் பிரியா மீது எழுந்துள்ள குற்றச்சாட்டுகளும், ஆளுங்கட்சி அமைச்சர்களின் எச்சரிக்கையும் தமிழக அரசியல் களத்தில் பெரும் பரபரப்பை ஏற்படுத்தியுள்ளது.