“அவர் என் தலைவர்”…. பேரவையில் எம்.ஜி.ஆர் போட்ட சத்தம்… ஸ்டாலின் உடைத்த ரகசியம்…. அரசியலில் கிளம்பிய பூகம்பம்…!

திமுகவில் அதிமுகவினர் இணையும் நிகழ்ச்சியில் உரையாற்றிய ஸ்டாலின், மறைந்த முன்னாள் முதல்வர் எம்.ஜி.ஆர் அவர்கள் தன் வாழ்நாள் முழுவதும் கலைஞர் கருணாநிதியைத் தான் தனக்குத் தலைவராகக் கருதினார் என்பதைச் சட்டமன்ற வரலாற்றைச் சுட்டிக்காட்டிப் பேசியுள்ளார்.

எம்.ஜி.ஆர் அவர்கள் முதன்முதலில் திமுகவின் உதயசூரியன் சின்னத்தில் போட்டியிட்டுத்தான் சட்டப்பேரவைக்குத் தேர்ந்தெடுக்கப்பட்டார் என்ற வரலாற்று உண்மையைக் குறிப்பிட்ட அவர், பிற்காலத்தில் எம்.ஜி.ஆர் முதலமைச்சராக இருந்தபோதும் கலைஞரின் மீதான மரியாதையைத் தக்கவைத்திருந்தார் என்றார். ஒருமுறை சட்டமன்றத்தில் கலைஞர் கருணாநிதியின் பெயரைத் தவறுதலாகவோ அல்லது விமர்சித்தோ ஒருவர் பேசியபோது, அப்போதைய முதலமைச்சராக இருந்த எம்.ஜி.ஆர் உடனே எழுந்து, “அவர் என்னுடைய தலைவர், அவரைப் பற்றி அப்படிப் பேசக் கூடாது” என்று கடுமையாகக் கண்டித்த நிகழ்வையும் ஸ்டாலின் நெகிழ்ச்சியோடு நினைவுகூர்ந்துள்ளார்.