அதிர்ச்சி… பட்டாசு கிடங்கில் பயங்கர வெடி விபத்து… அடுத்தடுத்து குண்டு வெடித்தது போல் வீடு இடிந்து தரைமட்டம்… பீகாரில் நடந்த திடுகிடும் சம்பவம்…!

பீகார் மாநிலம் சீவான் மாவட்டம் ஜாமோ காவல் நிலையத்திற்குட்பட்ட அலமாபூர் கிராமத்தில் பட்டாசுகள் சேமித்து வைக்கப்பட்டிருந்த வீட்டில் திடீரென பயங்கர வெடி விபத்து ஏற்பட்டது. அடுத்தடுத்து நிகழ்ந்த தொடர் வெடி விபத்துகளால் அந்த வீட்டின் ஒரு பகுதி இடிந்து சாலையின் மீது சரிந்து விழுந்தது. இந்த விபத்தில் பலத்த சேதம் ஏற்பட்டுள்ளதுடன், பட்டாசு வியாபாரியான அந்த வீட்டின் உரிமையாளர் மற்றும் பலியானவர்களின் எண்ணிக்கை குறித்த அதிகாரப்பூர்வ தகவல்கள் இன்னும் வெளியிடப்படவில்லை.

இந்த விபத்து நிகழ்ந்தபோது அப்பகுதியில் பெரும் அதிர்வுகளும், கடுமையான சத்தமும் கேட்டதால் அருகில் வசிக்கும் பொதுமக்களிடையே பெரும் பீதியும் அச்சமும் ஏற்பட்டது. தொடர் வெடி விபத்துகள் காரணமாக தீயணைப்புத் துறையினரும், காவல்துறையினரும் உடனடியாக சம்பவ இடத்திற்கு விரைந்து சென்று மீட்புப் பணிகளைத் தீவிரப்படுத்தினர். இடிபாடுகளில் சிக்கியுள்ளவர்களை மீட்கும் பணியும், தீயை அணைக்கும் பணியும் தற்போது போர்க்கால அடிப்படையில் நடைபெற்று வருகிறது.

https://twitter.com/IndiaToday/status/2113652499991396433/video/1

பட்டாசுகள் விதிகளுக்கு மாறாக முறையற்ற முறையில் சேமித்து வைக்கப்பட்டிருந்ததே இந்த கோர விபத்திற்குக் காரணம் என முதற்கட்ட விசாரணையில் தெரியவந்துள்ளது. இந்தச் சம்பவம் குறித்து காவல்துறை வழக்குப்பதிவு செய்து விசாரணை நடத்தி வருவதுடன், விபத்துக்கான முழுமையான காரணங்கள் மற்றும் உயிரிழப்பு விவரங்கள் விரைவில் அதிகாரப்பூர்வமாக வெளியிடப்படும் என எதிர்பார்க்கப்படுகிறது.