“ஒரே கல்லுல ரெண்டு மாங்கா” நடிகர் சிம்புவின் பிறந்தநாளையொட்டி ரசிகர்களுக்கு செம ட்ரீட்..!

சிம்பு எனப்படும் சிலம்பரசன் தமிழ் சினிமாவில் பணியாற்றும் பிரபலமான நடிகராவார். இவரது தந்தை டி ராஜேந்தர் தமிழ் சினிமாவில் பணியாற்றிய பிரபல இயக்குனர் மற்றும் நடிகராகவர். 1980 களில் தனது தந்தை இயக்கிய திரைப்படங்களில் குழந்தை நட்சத்திரமாக நடித்து தமிழ் சினிமாவில் அறிமுகமானார் சிம்பு. 2002 ஆம் ஆண்டு தனது தந்தை டி ராஜேந்தர் இயக்கத்தில் காதல் அழிவதில்லை என்ற திரைப்படத்தின் மூலம் தமிழ் சினிமாவில் நாயகனாக அறிமுகமானார்.

தொடர்ந்து வல்லவன் மன்மதன் கோவில் சிலம்பாட்டம் விண்ணைத்தாண்டி வருவாயா போன்ற பல வெற்றி திரைப்படங்களில் நடித்து பிரபலமானார் சிம்பு. தற்போது இயக்குனர் மணிரத்தினம் மற்றும் கமலஹாசன்  கூட்டணியில் உருவாகி வரும் தக் லைப் படத்தில் முக்கிய கதாபாத்திரத்தில் நடித்துள்ளார் .இது தவிர ஒரு சில படங்களில் நடிக்க ஒப்பந்தம் செய்யப்பட்டுள்ளார்.

இந்த நிலையில் நடிகர் சிம்புவின் பிறந்தநாள் வருகிற 3ஆம் தேதி கொண்டாடப்படுகிறது. இந்த நிலையில் சிம்புவின் பிறந்த நாளை முன்னிட்டு இவர் நடிப்பில் வெளியாகிய மாபெரும் வெற்றி பெற்ற மன்மதன், வல்லவன்  திரைப்படம் சிறப்பு காட்சிகளாக திரைக்கு வருவதாக கமலா சினிமாஸ் அறிவித்துள்ளது. மன்மதன் திரைப்படத்திற்கு யுவன் சங்கர் ராஜா இசையமைத்திருந்தார்..

இந்த படத்தை எஸ்கே கிருஷ்ணகாந் தயாரித்திருந்தார். இந்த படத்திற்கு ஆர் டி ராஜசேகர் ஒளிப்பதிவு செய்ய அந்தோணி படத்தொகுப்பு செய்திருந்தார். கிட்டத்தட்ட 21 வருடங்களுக்குப் பிறகு மன்மதன் படம் ரீ ரிலீஸ் செய்யப்பட இருப்பதாக வெளியான தகவல் ரசிகர்களை மகிழ்ச்சியில் ஆழ்த்தியுள்ளது.