ஐயோ… என்னடா இது… POLICE காரை நிறுத்தி செடியையா திருடுறீங்க?… நெடுஞ்சாலையில் அரங்கேறிய கூத்து… இணையத்தில் வீடியோ வைரல்…!

டெல்லி-டேராடூன் விரைவுச்சாலையில் பாக்பத் பகுதியில் பொருத்தப்பட்டிருந்த சிசிடிவி கேமராவில் மிகவும் விசித்திரமான மற்றும் அதிர்ச்சியளிக்கும் திருட்டுச் சம்பவம் ஒன்று பதிவாகியுள்ளது. நெடுஞ்சாலையில் வேகமாக வந்த ஒரு சொகுசு கார் திடீரெனச் சாலையோரம் நிறுத்தப்பட்டது. அந்த காரின் முகப்பில் பெரிய எழுத்துக்களில் “POLICE” என்று எழுதப்பட்டிருந்தது அனைவரின் கவனத்தையும் ஈர்த்தது.

காரில் இருந்து இறங்கிய நபர் ஒருவர், நெடுஞ்சாலையின் தடுப்புச் சுவருக்கு நடுவே அழகிற்காக வளர்க்கப்பட்டிருந்த ஒரு செடியை எவ்வித அச்சமும் இன்றி வேரோடு பிடுங்கத் தொடங்கினார். செடியைப் பிடுங்கிய அவர், அதை உடனடியாகத் தனது காரின் பின்புறத்தில் ஏற்றி வைத்துவிட்டு, எதுவும் நடக்காதது போல அங்கிருந்து வேகமாகத் தப்பிச் சென்றுள்ளார்.

https://twitter.com/IndiaToday/status/2105198625983012912/video/1

போலீஸ் எனக் குறிப்பிடப்பட்ட வாகனத்தில் வந்து, பகல் நேரத்தில் அரங்கேற்றப்பட்ட இந்தச் செடி திருட்டுச் சம்பவம் தொடர்பான சிசிடிவி காட்சிகள் சமூக வலைதளங்களில் வெளியாகி வைரலாகி வருகின்றன. அதிகாரத்தைப் பிரதிபலிக்கும் காரைப் பயன்படுத்திக் கொண்டு பொதுச் சொத்தான செடியைத் திருடிச் சென்ற நபரின் இந்தச் செயலைக் கண்டு நெட்டிசன்கள் பலரும் அதிர்ச்சியும் கிண்டலும் தெரிவித்து வருகின்றனர்.