“ஏய் நான் தான் டி உன் புருஷன்”…. கள்ளக்காதலனுடன் சிக்கிய மனைவி… நடுரோட்டில் பறந்த குத்துயிரும் கொலையுயிரும்… வைரல் வீடியோ…!

உலகம் முழுவதும் காதலர் தினம் கொண்டாடப்பட்ட நிலையில், உத்தரப்பிரதேச மாநிலம் ஹபூர் மாவட்டம் மீரட் பகுதியைச் சேர்ந்த இளம்பெண் ஒருவர், தனது கள்ளக்காதலனுடன் மோட்டார் சைக்கிளில் வெளியில் சென்றுள்ளார். நீண்ட நாட்களாக மனைவியின் நடத்தையில் சந்தேகமடைந்த கணவர், அவர்களைப் பின்தொடர்ந்து சென்றுள்ளார். மீரட் மேம்பாலம் அருகே இருவரும் நெருக்கமாகச் சென்றதைக் கண்ட கணவர், ஆத்திரமடைந்து அவர்கள் சென்ற வாகனத்தை வழிமறித்தார்.

நடுரோட்டில் தனது மனைவியையும் அவரது கள்ளக்காதலனையும் தடுத்து நிறுத்திய கணவர், அவர்களுடன் கடுமையான வாக்குவாதத்தில் ஈடுபட்டார். இந்த வாக்குவாதம் விரைவில் கைகலப்பாக மாறியது. ஆத்திரமடைந்த கணவனும் கள்ளக்காதலனும் பொதுமக்களின் முன்னிலையிலேயே ஒருவரை ஒருவர் சரமாரியாகத் தாக்கிக்கொண்டனர். இதனால் அந்த பகுதியில் போக்குவரத்து பாதிக்கப்பட்டு பெரும் சலசலப்பு ஏற்பட்டது. அங்கிருந்தவர்கள் இருவரையும் சமாதானப்படுத்த முயன்ற போதிலும் சண்டை ஓயவில்லை.

தகவலறிந்து சம்பவ இடத்திற்கு விரைந்து வந்த காவல்துறையினர், சண்டையிட்டுக் கொண்டிருந்த கணவன், மனைவி மற்றும் கள்ளக்காதலன் ஆகிய மூவரையும் காவல் நிலையத்திற்கு அழைத்துச் சென்றனர். அங்கு அவர்களுக்குத் தேவையான அறிவுரைகளை வழங்கிய போலீசார், எச்சரித்து அனுப்பி வைத்தனர். பொது இடத்தில் நடந்த இந்த மோதல் தொடர்பான வீடியோ சமூக வலைதளங்களில் வெளியாகி தற்போது வைரலாகி வருகிறது.