தளபதி படத்தில் நடிக்க வாய்ப்பு வந்ததால் வாரிசு நடிகரை நடுரோட்டில் விட்டுட்டு வந்த சென்சேஷனல் நடிகை..!!

பிரபல மலையாள நடிகையான மமிதா பைஜு நடிப்பில் கடைசியாக பிரேமலு திரைப்படம் ரிலீஸ் ஆகி சூப்பர் ஹிட் ஆனது. இந்த நிலையில் பிரபல நடிகர் முரளியின் மகனான அதர்வாவை வைத்து லைக்கா நிறுவனம் ஒரு படத்தை தயாரிக்கிறது. இந்த படத்தை ஆகாஷ் பாஸ்கரன் என்பவர் இயக்குகிறார்.

இவர் இயக்குனர் விக்னேஷ் சிவனிடம் உதவி இயக்குனராக வேலை பார்த்தவர். மேலும் புறநானூறு படத்தை ஆகாஷ் பாஸ்கரன் தான் தயாரிப்பதாக கூறப்படுகிறது. இந்த படத்தில் ஹீரோயினாக மமிதா பைஜுவை கமிட் செய்துள்ளனர். படப்பிடிப்பை USA வில் நடத்த திட்டமிட்டு மமிதா பைஜுவுக்கு விசா உள்ளிட்ட ஏற்பாடுகளை பட குழுவினர் செய்து வந்தனர்.

இன்னும் சில நாட்களில் படப்பிடிப்பை தொடங்க திட்டமிட்ட நிலையில் மமிதா பைஜுவிடம் இருந்து எந்த ரெஸ்பான்ஸ் வரவில்லையாம். பட குழுவினர் எப்படியோ மமிதா பைஜுவின் சகோதரரை தொடர்பு கொண்டு கேட்டபோது இந்த படத்தில் நடிக்க வேண்டாம் என முடிவு செய்து விட்டதாக கூறியுள்ளார். காரணம் என்னவென்றால் தளபதி விஜய் நடிக்கும் 69-ஆவது படத்தில் மமிதா பைஜு நடிக்க கமிட் ஆகியுள்ளாராம்.

தளபதியின் 69-ஆவது படத்தை எச்.வினோத் இயக்குகிறார். தற்போது பிரீ ப்ரோடுக்ஷன் பணிகள் மும்முரமாக நடைபெற்றுக் கொண்டிருக்கிறது. இந்த படத்தில் சமந்தா ஹீரோயினாக நடிக்கிறார். மமிதா பைஜு ஒரு முக்கிய கதாபாத்திரத்தில் நடிக்க உள்ளார். இந்த படத்தை கே.வி.என் தயாரிப்பு நிறுவனம் தயாரிக்க உள்ளது. விஜய் படத்தில் நடித்தால் தனது மார்க்கெட் உயரும் என்பதால் மமிதா பைஜு அதர்வா படத்தில் இருந்து விலகியதாக சினிமா வட்டாரத்தில் பேசப்படுகிறது.